மேலைப்புலோலி சைவப்பிரகாச வித்தியாலய ப.மா.ஒன்றியம்

மருத்துவப் பரிசோதனை முகாம் சில காட்சிகள்

2012-01-14T09:01:00.000-08:00

மருத்துவ முகாம் நடைபெற்றபோது எடுக்கப்பட்ட சில காட்சிகள்.

ஆரம்ப நிகழ்வின்போது அதிபர் திரு.பொ.பொன்னம்பலம் உரையாற்றுகிறார். மேடையில் திரு.ரட்ணவேல், டொக்டர். க.இரகுநாதன், டொக்டர்.க.மகாலிங்கம், கல்வி அதிகாரி திரு.சு.சற்குணராசா, வங்கி முகாமையாளர் திரு.மு.சிவநேசன் அமர்திருக்கின்றனர்.

மருத்துவ முகாமில் கலந்துகொண்ட மாணவர்கள், பெற்றோர்கள், நலன் விரும்பிகள், மற்றும் பாடசாலை சமூகத்தினர்.

டொக்டர். க.இரகுநாதன் உரையாற்றுகிறார்.

கீழே குழந்தை நலப்பிரிவு சிரேஸ்ட மருத்துவர் இரவீந்திரன் குழந்தைகளைப் பரிசோதிக்கிறார்.

குழந்தை நலப்பிரிவு சிரேஸ்ட மருத்துவர் இரவீந்திரன் மற்றுமொரு குழந்தையைப் பரிசோதிக்கும் புகைப்படம்.

பல்வைத்திய நிபுணரான டொக்டர் க.மகாலிங்கம் அவர்கள் பாடசாலைப் பிள்ளைகளுக்கு பற்பரிசோதனை செய்கிறார்.

டொக்டர் க.மகாலிங்கம் அவர்கள் குழந்தைக்கு உள்ள பிரச்சனை பற்றி கூட நிற்கும் ஆசிரியருக்கு விளக்குகிறார்.

டொக்டர் வசந்தன் தவநாதன் நோயாளியின் இரத்த அழுத்தத்தைப் பரிசோதிக்கிறார்.

எமது ஒன்றித் தலைவரும் பொது மருத்துவ நிபுணருமான டொக்டர்.எம்.கே.இரகுநாதன் நோயாளியிடம் உரையாடும் புகைப்படம் கீழே.

டொக்டர் வசந்தன் தவநாதன்

மருத்துவ முகாம் நடைபெறும் நேரத்தில் பாடசாலை முற்றத்தில்..

டொக்டர்.எம்.கே.இரகுநாதன் நோயாளியுடன்.

பல்வைத்திய நிபுணரான டொக்டர் க.மகாலிங்கம்

குழந்தை நலப்பிரிவு மருத்துவர் ஜக்கோப்ஸன்

அதிபர் திரு.பொ.பொன்னம்பலம் அவர்களுடன் டொக்டர்.எம்.கே.இரகுநாதன்

முன்னைநாள் அதிபர் திரு.மு.கனகலிங்கம், டொக்டர்.எம்.கே.இரகுநாதன் மற்றும் அதிபர் திரு.பொ.பொன்னம்பலம் சரஸ்வதி சிலையருகே.

பாடசாலை அபிவிருத்திச் சங்கச செயலாளர் திரு.ஆ.சிறீதரன், டொக்டர் இரவீந்திரன், டொக்டர் ஜக்கோப்ஸன், முன்னைநாள் அதிபர் திரு.மு.கனகலிங்கம், டொக்டர்.எம்.கே.இரகுநாதன், அதிபர் திரு.பொ.பொன்னம்பலம் மற்றும் டொக்டர் வசந்தன் தவநாதன் ஆகியோர் பாடசாலை வாசலில்.

மருத்துவப் பரிசோதனை முகாம் சிறப்பாக நடைபெற உதவிய, ஒத்துழைத்த, பங்கு பற்றிய அனைத்து நல் உள்ளங்களுக்கும் மனமார்ந்த நன்றிகள்.

0.0.0.0.0.0.0.0

எமது பாடசாலையில் மருத்துவப் பரிசோதனை முகாம்

2012-01-10T08:34:00.000-08:00

சென்ற மாதம் எமது பாடசாலையில் ஒரு மருத்துவ பரிசோதனை முகாம் நடைபெற்றது. எமது ஒன்றியத்தின் தலைவர் டொக்டர்.எம்.கே.இரகுநாதனின் தளாராத முயற்சியினால் இது திட்டமிடப்பட்டு வெற்றிகரமாக நடாத்தப்பட்டது.

450ற்கு மேட்பட்டவர்கள் இதனால் பயனடைந்தனர்.

கொழும்பு தேசிய வைத்தியசாலை பொது மருத்துவ நிபுணரான டொக்டர்.எம்.கே.இரகுநாதன் தலைமையில் இது நடைபெற்றது. அவருடன் குழந்தை மருத்துவத்துறை சார்ந்த சிரேஷ்ட மருத்துவர்களான டொக்டர்கள் இரவீந்திரன், ஜக்கோப்ஸன் ஆகியோர் கலந்து கொண்டனர். இவர்களுடன் வியாபாரிமூலை கிராமத்தைச் சார்ந்த டொக்டர் வசந்தன் தவநாதனும் கலந்து கொண்டார்.

பாடசாலை முன்றலில் வங்கி முகாமையாளர் சிவநேசன், மருத்துவர்களான மகாலிங்கம் இரகுநாதன் ஆகியோர்

பிள்ளைகளிடையே பற்சொத்தை, ஒழுங்கற்ற பற்கள், முரசு நோய்கள் போன்ற பிரச்சனைகள் அதிகம் காணப்படுவதால் பல்வைத்திய நிபுணரான டொக்டர் க.மகாலிங்கம் அவர்களும் கலந்து கொண்டார். இவரும் வியாபாரிமூலை கிராமத்தைச் சார்ந்தவராவார்.

குத்துவிளக்கு ஏற்றி, பிரார்த்னை செய்து எமது பாரம்பரிய முறைப்படி நிகழ்வு ஆரம்பமாகியது.

ஒன்றியத்தின் தலைவர் டொக்டர்.எம்.கே.இரகுநாதன் குத்துவிளக்கு ஏற்றுகிறார்

காலை 8.30மணியளவில் ஆரம்பமான நிகழ்வு மதிய உணவிற்குப் பின்னரும் தொடர்ந்தது.

மாணவர்களுடன் வழிபாட்டில் அதிபர் திரு.பொன்னம்பலம்

ஆரம்ப வைபவமாக ஒரு கூட்டம் நடைபெற்றது. அதிபர் திரு.பொன்னம்பலம், டொக்டர் இரகுநாதன் மற்றும் சிலரும் சுருக்கமான உரைகளை ஆற்றினர்.

ஆரம்ப விழா மேடையில் பிரமுகர்கள்.

பாடசாலை மாணவ மாணவிகள் அனைவருக்கும் பொதுவான மருத்துவப் பரிசோதனை, மற்றும் பற்பரிசோதனைகள் செய்யப்பட்டன. ஆசிரியர்களும் பரிசோதிக்கப்பட்டனர்.

நிகழ்வில் கலந்து கொண்ட பெற்றோர், ஆதரவாளர்கள்

இவர்களைத் தவிர பல பெற்றோர்களும் பாடசாலையைச் சுற்றியுள்ள பாடசாலைச் சமூகத்தைச் சேர்ந்தவர்களும் இந்த மருத்துவ பரிசோதனை முகாமைப் பயன்படுத்திக் கொண்டனர்.

அன்று வருகை தந்திருந்த அனைத்து மாணவர்களும் பற் பரிசோதனை செய்யப்பட்டதாக டொக்டர் க.மகாலிங்கம் தெரிவித்தார். அவர்களுக்கு இருந்த பிரச்சனைகள் பற்றி கூட வந்த பெற்றோருக்கு அல்லது பாதுகாலருக்குத் தெரிவிக்கப்பட்டது. யாரும் இல்லாதவிடத்து ஆசிரியர்கள் ஊடாக பெற்றோருக்குத் தெரிவிக்கப்ட்டதாகக் கூறினார்.

ஒரு சில பிள்ளைகள் மேலதிக பற்சிகிச்சை தேவைப்பட்டதால் அவர்கள் மந்திகை ஆதார வைத்தியசாலைக்கு கடிதத்துடன் அனுப்பி வைக்கப்பட்டனர். அங்கு அவர்களுக்கு சிகிச்சை அளிப்பதற்கான ஒழுங்குகள் பற்றி ஏற்கனவே தான் ஏற்பாடுகள் செய்யப்பட்டிருந்தாகத் தெரிவித்தார்.

மருந்துகள் தோவைப்பட்டவர்களுக்கு அதை வாங்குவதற்கான மருந்துச் சிட்டைகள் கொடுக்கப்பட்டன.

வளர்ந்தவர்களை பரிசோதித்த டொக்டர்.எம்.கே.இரகுநாதன், அவர்களில் ஒரு சிலருக்கு இருதயத்தில் murmur கள் இருந்ததால் அவர்களை யாழ் போதான வைத்தியசாலை இருதய நோய் நிபுணர்களான டொக்டர் லக்ஷ்மன், டொக்டர் குருபரன் ஆகியோரிடம் மேலதிக பரிசோதனைகளுக்கு அனுப்பியதாகச் சொன்னார்.

பொதுவாக மருத்துவப் பரிசோதனை முகாமிற்கு வந்தவர்கள் அது பற்றி மிகுந்த திருப்தி தெரிவித்தார்கள். எமது பாடசாலையைப் பொறுத்த வரையில் இது மிக முக்கியமான நிகழ்வாகும். ஒரு முன்னோடி முயற்சியாகவும் கருதலாம்.

ஒரு சில குறைகளும் உணரப்பட்டன.

கண்பரிசோதனை செய்வதும் மாணவர்களைப் பொறுத்தவரை முக்கியமானது. அடுத்த முறை இதற்கான ஒழுங்குகள் செய்யப்படும்.
மருந்துகள் கொடுக்கப்படவில்லை என்பது மற்றொரு குறையாகும்.
மருத்தவ முகாமிற்கு வந்தவர்களது பெயர் விபரங்கள், கண்டறிய்பட்ட நோய்கள், கொடுக்பட்ட சிகிச்சை, மேலதிய சிகிச்சைக்கு அனுபப்பட்டிருந்தால் அவை பற்றிய குறிப்பு ஆகியவற்றை ஆவணப்படுத்துவற்கு ஒரு பதிவு ஏடு பேணப்படவில்லை.

'இது ஒரு ஆரம்ப முயற்சி. பரீட்சார்த்தமாகச் செய்துள்ளோம். ஏதிர்பார்த்ததை விட அதிகமாக வெள்ளியளித்தது. மேற்கண்ட குறைகளை அடுத்த வருடம் மாற்றயமைக்க முடியும்' என நம்பிக்கை தெரிவித்தார்.

வருடாவருடம் இத்தகைய முகாமை நடத்த இருப்பதாக தான் பாடசாலை அதிபருக்கு உறுதியளித்தாகவும் தெரிகிறது.

அதேபோல டொக்டர் க.மகாலிங்கம் அடுத்த வருட முகாமிற்கு பற்சிகிச்சைக்கான mobile Unit யை எடுத்துச் செல்வதற்கான அனுமதியை பிராந்திய சுகாதாரப் பணிப்பாளரிடம் பெற உத்தேசித்திருப்பதாகக் கூறினார். இதனால் அவ்விடத்திலேயே சில சிகிச்சைகளைச் செய்வதற்கு முடியும் எனக் கூறினார்.

மிகச் சிறப்பாக நடைபெற்ற இந்த மருத்துமுகாமை ஒழுங்கு செய்த எமது ஒன்றியத் தலைவர் டொக்டர்.எம்.கே.இரகுநாதன் அவர்களுக்கும், அவருடன் இணைந்து முகாமை நடாத்திய ஒன்றிய உறுப்பினர் டொக்டர் க.மகாலிங்கம், டொக்டர் இரவீந்திரன், டொக்டர் ஜக்கோப்ஸன், டொக்டர்.தவநாதன் ஆகியோருக்கு எமது மனமார்ந்த நன்றிகள்.

முகாம் ஒழுங்காக நடைபெற ஆதரவும், ஒத்துழைப்பும் வழங்கிய அதிபர், ஆசிரியர்கள், பாடசாலை அபிவிருத்தி சங்க உறுப்பினர்கள் மற்றும் பாடசாலைச் சமூகத்தினரது பணிகளும் போற்றுதற்குரியது.

இங்கு பகிரப்பட்ட புகைப்படங்களை கொடுத்துதவிய திரு.மு.சிவநேசன், திரு.பா.சயந்தன் ஆகியோருக்கு நன்றிகள்.

மருத்துவப் பரிசோதனை விழாவில் எடுக்கப்பட்ட ஏனைய புகைப்படங்கள் இன்னமும் கிட்டவில்லை. விரைவில் பகிரப்படும்.

0.0.0.0.0.0.0

வருடாந்தப் பொதுக் கூட்டம் 2012

2011-12-29T18:20:00.000-08:00

மேலைப்புலோலி சைவப்பிரகாச வித்தியாலய கொழும்பு பழைய மாணவர் ஒன்றியத்தினரின்2012 ம் ஆண்டிற்கான வருடாந்தப் பொதுக் கூட்டம் எதிர் வரும் பெப்ருவரி மாசம் 12 ம் திகதி நடைபெறுவதற்கு உத்தேசிக்கபட்டுள்ளது.

14.01.1997 ம் ஆண்டு பொங்கல் தினத்தன்று பம்பலப்பிட்டி இந்துக் கல்லாரியில் அங்குரார்ப்பணக் கூட்டம் நடைபெற்றதைத் தொடர்ந்து கடந்த 4 வருடங்களாக இது தைப்பொங்கல் தினத்தன்றே பம்பலப்பிட்டி இந்துக் கல்லாரியில் நடைபெற்று வந்துள்ளது.

தைப்பொங்கல் தினத்தன்று நடாத்துவதால் பலருக்கு சிரமமானது.

முக்கியமாக பெண்களுக்கு கலந்து கொள்வது பண்டிகைத் தினத்தில் சிரமாக இருப்பது சுட்டிக்காட்டப்பட்டது.
அத்துடன் கண்டி போன்ற தூர இடங்களிலிருந்து வருவதற்கும் இது வசதிக் குறைவாக இருந்தது.

இதனால் தைப்பொங்கல் நாளைத் தவிர்த்து தைமாதத்தின் முதல் பெளர்ணமி தினத்தன்று நடத்துவது என சென்ற பொதுக் கூட்டத்தின்போது தீர்மானிக்கபட்டிருந்தது.
இருந்தபோதும் தைமாதத்தின் முதலாவது பெளர்ணமி தினம் தைப்பொங்கலுக்கு முன்னரே இவ்வருடம் வந்ததால் தமிழ் மரபுக்கு இணங்க அத் தினம் புதுவருடத்தில் அல்ல என்ற கருத்து நிலவியது. இதன் காரணமாக அத்தினம் உசிதமானது அல்ல எனப் பலரும் டிசம்பர் 25ம் திகதி நடந்த நிர்வாக சபைக் கூட்டத்தில் கருத்துகள் வெளியிட்டனர்.

எனவே வேறு ஒரு தினத்தில் நடாத்த எண்ணிய போது பல நிர்வாகக் காரணங்களுக்காக இதனை மேற் கூறிய 12.02.2012 ல் நடாத்த முடிவுசெய்யப்பட்டது.

வருடாந்த பொதுக் கூட்டத்தில் கலந்தோசிக்க வேண்டிய விடயங்கள், எடுக்க வேண்டிய தீர்மானங்கள், மற்றும் பாடசாலை வளர்ச்சிக்காக எடுக்க வேண்டிய செயற்பாடுகள் பற்றிய உங்கள் கருத்துக்களை தெரிவிப்பது வரவேற்கப்படுகிறது.

மாலை 3.30 மணிக்கு ஆரம்பிக்க உத்தேசிக்கப்பட்டுள்ளது. நிகழும் இடம் இன்னமும் உறுதியாகவில்லை. பெரும்பாலும் வழமைபோல பம்பலப்பிட்டி இந்துக் கல்லூரியாக இருக்கும்.

இருந்தபோதும் நேரம் இடம் ஆகியன உறுதியான பின்னர் அறிவிக்கப்படும்.

உங்கள் கருத்துக்களை ஈமெயில் மூலம் எமது ஒன்றியத்திற்கு தெரிவிக்கவும். அங்கத்தவர்கள் அத்தின மாலை நேரத்தை எமது ஒன்றிய வருடாந்தப் பொதுக் கூட்டத்திற்காக ஒதுக்கி வைக்குமாறு அன்புடன் வேண்டுகிறோம்.

0.0.0

பரிசளிப்பு விழாவில் பரிசளிக்க உதவிய புரவலர்கள்

2011-12-08T08:05:00.000-08:00

புலமைப் பரிசில் பரீட்சையில் சிந்தியடைந்தோருக்கு பரிசில்கள் வழங்கவும் பரிசளிப்பு விழாவில் ஏனைய பரிசுகள் அளிக்கவும் உதவிய புரவலர்கள்.

2011ம் ஆண்டு புலமைப் பரிசில் பரீட்சையில் சிந்தியடைந்தோருக்கு பரிசில்கள் வழங்க நிதி உதவி வழங்கியோர்.

எமது பாடசாலையான மேலைப்புலோலி சைவப்பிரகாச வித்தியாலயத்திலிருந்து மேற்படி புலமைப் பரிசில் பரீட்சையில் சிந்தியடைந்தோருக்கு எமது பழைய மாணவர் ஒன்றியம் வருடாவருடம் இளஞானச் சுடர் விருதினையும், பணப் பரிசிலையும் வழங்கி வருவதை அறிவீர்கள்.

இவ் வருடம் 13 மாணவ மாணவிகள் சித்தியடைந்துள்ளனர் என்பதை ஏற்கனவே அறியத் தந்தோம்.

அவர்களுக்கு சென்ற 20ம் திகதி (20.11.2011) ஞாயிறு தினத்தில் நடைபெற்ற வருடாந்த பரிசளிப்பு விழாவின் போது பரிசில்கள் வழங்கப்பட்டன. அதற்கான நிதியுதவி வழங்கியோர் விபரம் பின் வருமாறு

திரு.முருகுப்பிள்ளை சோமசுந்தரம் - ரூபா 5000.00
திருமதி.கெங்கா இராமச்சந்திரன்- ரூபா 5000.00
திரு.S.இரத்தினசிங்கம்- ரூபா 2000.00
திரு.கந்தயினார் முருகவேள் (அவுஸ்திரேலியா)- ரூபா 2000.00
திரு.சிதம்பரம் வர்ணகுலசிங்கம்; - ரூபா 2000.00
திரு.கதிர்காமத்தம்பி கலாகரன் - ரூபா 2000.00
திரு.கதிர்காமத்தம்பி பிரபாகரன் - ரூபா 2000.00
திரு.கந்தயினார் பாலதாஸ் (கண்டி) - ரூபா 2000.00
திரு.சிதம்பரப்பிள்ளை வாசுதேவன் (கண்டி) - ரூபா 2000.00

இவர்களில் பெரும்பாலானவர்கள் மேற்படி பரிசுப் பணத்தை வருடாந்தம் வழங்குவதற்கு இணங்கியிருப்பதும் குறிப்பிடத்தக்கது. சென்ற வருடமும் தந்து உதவினார்கள்.

விசேட பரிசுகள்

இவற்றைத் தவிர கீழ்கண்டவர்களால் மேலும் பரிசுகள் வழங்கப்படுகிறது.

டொக்டர்.M.K.இரகுநாதன் அவர்களால், அதிக புள்ளிகளைப் பெற்று முதலாம் இடத்தில் வருபவருக்கு திரு திருமதி கனகசபாபதி வருடாந்த நினைவுப் பரிசிற்காக வைப்பிலிட்ட ரூபா 100,000.00 லிருந்து கிடைக்கும் வருடாந்த வட்டிப் பணம் பரிசாக வழங்கப்படுகிறது.
டொக்டர்.S.N.செல்வச்சந்திரன் அவர்களால், புள்ளிகள் அடிப்படையில் முதல், இரண்டாம், மூன்றாம் இடங்களில் வருவோருக்கு அவர் வைப்பிலிட்ட ரூபா 200,000.00 லிருந்து கிடைக்கும் வருடாந்த வட்டிப் பணம் 50%, 30%, 20% என்ற விகிதத்தில் பகிர்ந்து அளிக்கப்பட்டது.
திரு.கேதீஸ்வரன் அவர்களால் அதிக புள்ளிகளைப் பெற்று முதலாம் இடத்தில் வருபவருக்கு அமரர் முன்னாள் அதிபர் ந.சிவபாதசுந்தரம் நினைவாக வைப்பிலிடப்பட்ட 15,000.00 (பதினையாயிரம்) ரூபாயிலிருந்து கிடைக்கும் வட்டிப் பணம் பரிசாக வழங்கப்படும்.
இவற்றைத் தவிர திரு.கதி்காமத்தம்பி சுதாகரன் புலைமைப் பரிசில் பரீட்சையில் சித்தி எய்திய மாணவர்களுக்கு கேடயங்களை வழங்கி உற்சாகம் ஊட்டினார்
கண்டி S.K.கொம்பனி சார்பாக அமரர்.V.K.கந்தையா ஞாபகமாக அவரது புத்திரர்களான திரு.கந்தையா இராமச்சந்திரன் திரு.கந்தையா சிறீஸ்கந்தராசா ஆகியோர் பரிசுப் புத்தகங்கள் வாங்குவதற்காக ரூபா 5000.00 வருடாவருடம் வழங்கி வருகின்றனர்.
திரு.நா.தங்கராசா தனது ஜெயகணேசா வர்த்தக நிலையம் சார்பாக புலைமைப் பரிசில் பரீட்சையில் சித்தி எய்திய மாணவர்கள் ஒவ்வொருவருக்கும் பெறுமதி மிக்க அகராதியை பரிசாக வழங்கினார்.

வருடாந்த பரிசளிப்பு விழாவன்று திரு.கதி்காமத்தம்பி சுதாகரன் பாடசாலைக்கென ஒரு மின்பிறப்பாக்கியை வழங்கியுள்ளமையும் குறிப்பிடத்தக்கது.

பாடசாலை வளர்ச்சிக்கும், மாணவர்களுக்கு பரிசளிக்வும் உதவி வழங்கிய புரவலர்கள் அனைவருக்கும் எமது ஒன்றியத்தின் சார்பாக நன்றியைத் தெரிவித்துக்கொள்கிறென்.

0.0.0.0.0.0.0

பரிசளிப்பு விழா 2011 செய்திகளும் சில காட்சிகளும்.

2011-11-30T07:24:00.000-08:00

சென்ற 20.11.2011 அன்று நடைபெற்ற பாடசாலையின் வருடாந்த பரிசளிப்பு விழா காலை 9 மணியளவில் மிகக் கோலாலகலமாக ஆரம்பமானது.

மப்பும் மந்தாரமுமான மாரிகாலம் ஆன போதும் விழா குறித்த நேரத்தில் ஆரம்பமானது குறிப்பிடத்தக்கது.

பிரதம விருந்தினராகக் கலந்து கொண்ட யாழ் வலய பிரதிக் கல்விப் பணிப்பாளர் திரு.சு.சற்குணராசா அவர்களையும் அவரது துணைவியார் திருமதி செல்வரஞ்சிதம் சற்குணராசா அவர்களும் பாடசாலை பிரதான வாயிலில் வரவேற்கப்பட்டனர்.

அதிபர் திரு.பொ.பொன்னம்பலம், முன்னைநாள் அதிபர் திரு.மு.கனகலிங்கம் மற்றும் பாடசாலை ஆசிரியர்கள் கூடி நின்று பிரதம விருந்தினரை வரவேற்றனர்.

பாடசாலை அபிவிருத்திச் சங்கச் செயலாளரான திரு ஆ.சிறிதரன் எமது பாரம்பரிய முறைப்படி விபூதி, சந்தனம், குங்குமம் அளித்து விருந்தினர்களை வரவேற்றார்.

பாடசாலைக் கீதம் இசைக்கப்படும்போது பிரமுகர்கள் மேடையில் எழுந்து நிற்பதைப் படத்தில் காணலாம்.

பிரதம விருந்தினர் திரு.சு.சற்குணராசா குத்துவிளக்கு ஏற்றுகிறார்.

முன்னைநாள் அதிபர் திரு.மு.கனகலிங்கம்அவர்களும் ஏனைய பல பிரமுகர்களும் குத்துவிளக்கு ஏற்றி வைத்து மங்களகரமாக விழாவை ஆரம்பித்தனர்.

பிரதம விருந்தினர் திரு.சு.சற்குணராசா உரையாற்றுகிறார்.

அதிபர் உரையுடன், முன்னை நாள் அதிபர் திரு மு.கனகலிங்கம், திரு.க.ஈஸ்வரபாதம், திரு.செல்வராசா ஆகியோரும் சுருக்கமாக உரையாற்றினர்.

பாடசாலைப் பிள்ளைகளின் திறமைகளை வெளிக்கொண்டு வருமாற்போல கலை நிகழ்ச்சிகளும் இடம் பெற்றன. நாடகம், தாள நடனம், ஆங்கில தமிழ் உரைகள், அபிநய நடனம் போன்ற நிகழ்ச்சிகள் சிறப்பாக அமைந்தன.

பெற்றோர்கள், பாடசாலை அபிமானிகளும் பெருமளவில் கலந்து கொண்டு நிகழ்ச்சிகளைக் கண்டு மகிழ்ந்தனர்.

விசேட அம்சமாக புலைமைப் பரிசில் பரீட்சையில் சித்தி எய்திய மாணவ மாணவிகளின் புகைப்படங்கள் திரையில் காட்டப்பட்டன.

0.0.0.0.0.0.0.0

பரிசளிப்பு விழா 2011

2011-11-26T01:24:00.000-08:00

எமது பாடசாலையின் வருடாந்தப் பரிசளிப்பு விழா சென்ற 20ம் திகதி (20.11.2011) நடைபெற்றது.

பாடசாலையின் பிரதான மண்டபத்தில் காலை 9.00 மணிக்கு பாடசாலை அதிபர் திரு.பொ.பொன்னம்பலம் அவர்களின் தலைமையில் நடைபெற்றது.

யாழ் வலய பிரதிக் கல்விப் பணிப்பாளர் திரு.சு.சற்குணராசா பிரதம விருந்தினராகக் கலந்து கொண்டார்.

திருமதி செல்வரஞ்சிதம் சற்குணராசா பரிசில்களை வழங்கினார்.

தபால் திணைக்கள உழியர்களின் வேலை நிறுத்தம் காரணமாக அழைப்பிதழ் கிடைக்கத் தாமதமாகியதால் நேரகாலத்துடன் அறிவிக்க முடியவில்லை.

புகைப்படங்கள் கிடைத்ததும் உங்களுடன் பகிர்ந்து கொள்வேன்.

0.0.0.0.0.0.0

ஆசிரியர் பிரதீப பிரபா 2011 விருது அதிபர் கனகலிங்கம் அவர்களுக்கு

2011-11-12T08:34:00.000-08:00

எமது யா மேலைப்புலோலி சைவப்பிரகாச வித்தியாலயத்தை வெற்றிப் பாதையில் இட்டுச் சென்றதற்காக திரு.மு.கனகலிங்கம் அவர்களுக்கு மேற் சொன்ன ஆசிரியர் பிரதீபா பிரபா 2011 விருது வழங்கப்பட்டுள்ளது.

பாராட்டுச் சான்றிதழ்

மகிந்த சிந்தனை தேசிய புனர்வாழ்வு வேலைத் திட்டத்திற்கேற்ப

எதிர்காலச் சவால்களை எதிர்கொள்ளக கூடிய

தேர்ச்சிகள் நிறைந்த நாட்டின் பிள்ளைகளை

இலங்கையின் நற்பிரஜைகளாக

சமூகத்திற்குப் பெற்றுத் தரும்

சிரேஷ்ட பணிக்கு தலைமைத்துவத்தை வழங்கி

பாடசாலையை வெற்றியின்பால் இட்டுச் சென்ற

வடமராட்சி வலைய

யா மேலைப்புலோலி சைவப்பிரகாச வித்தியாலயத்தின்

அதிபராகிய

திரு.மு.கனகலிங்கம்

ஆற்றிய மிகவுயர் சேவைக்காக

இம் மதிப்பீட்டுச் சான்றிதழ் வழங்கப்படுறது

என எழுதப்பட்ட சான்றிதழ் வழங்கப்பட்டுள்ளது.

கல்வி அமைச்சர், பிரதி அமைச்சர், கல்விச் செயலாளர், மற்றும் பிரதிச் செயலாளர் கையொப்பம் இட்ட சான்றிதழ் இதுவாகும்

எமது பாடசாலையை வெற்றிப் பாதையில் இட்டுச் சென்ற அதிபர்.திரு.மு.கனலிங்கம் அவர்களுக்கு எமது நன்றி கலந்த பாராட்டுகள் உரித்தாகுக.

பாராட்டுச் சான்றிதழ் சின்னம் ஆகியவற்றுடன் அதிபர்.திரு.மு.கனலிங்கம்

அவர் இட்ட அத்திபாரத்தில் எமது பாடசாலை தொடர்ந்து முன்னேறுவதற்கு புதிய அதிபர்.திரு.பொ.பொன்னம்பலம், உபஅதிபர்.திரு.கணநாதன் மற்றும் ஆசிரியர்கள் அனைவரும் ஒத்துழைப்பும் பங்களிப்பும் அளித்த வண்ணம் உள்ளனர்.

பாடசாலையை முன்னேற்றப் பாதையில் இட்டுச் செல்ல அனைவரது ஒத்துழைப்பும் தேவையாக உள்ளது.

0.0.0.0.0.0.0

டென்மார்க் நண்பர்கள் உதவியுடன் போட்டோ பிரதி மெசின்

2011-11-10T04:24:00.001-08:00

"எமது பாடசாலைக்கு போட்டோ பிரதி யந்திரம் ஒன்று அவசியமாகத் தேவைப்படுகிறது" என்பது திரு.பொ.பொன்னம்பலம் எமது பாடசாலைக்கு அதிபராக வந்தவுடன் விடுத்த முதற் கோரிக்கையாகும்.

5ம் தர புலமைப் பரிசில் பரீட்சையில் எமது பாடசாலை தொடர்ந்தும் முன்னணியில் நிற்பதை உறுதி செய்வதற்கும், ஏனைய நாளாந்தத் தேவைகளுக்கும் இது அவசியமாகும்.

மாணவர்கள் தொடர்ந்தும் 5ம் தர புலமைப் பரிசில் பரீட்சையில்சிறப்பாகச் சித்தி எய்துவதற்கு அவர்களுக்கு மாதிரி வினாத்தாள்களை கொடுத்து, பயிற்சியளித்து உதவ வேண்டும் என்பதற்காகவே இது மிக முக்கியமாகத் தேவைப்பட்டது.

எமது பழைய மாணவர் ஒன்றியம் இதற்கெனக் கைகொடுக்கத் தீர்மானித்தபோது டென்மார்க்கில் வதியும் திரு.இரத்தினசபாபதி கிருஷ்ணராசா உதவ முன் வந்தார். அவர் ஏற்கனவே அளித்திருந்த ரூபா 98,650/= வுடன், வேறு பணிகளுக்காக எமது ஒன்றியத்தின் நிதியிலிருந்த ரூபா 40,000/= வைக் கொண்டு ஒரு புதிய போட்டோ பிரதி யந்திரத்தை அன்பளித்திருக்கிறோம்.

அதிபர் திரு.மு.கனகலிங்கம் அவர்களது பிரிவுபசாரக் கூட்டம் நடைபெற்றபோது அதிபர்.பொ.பொன்னம்பலம் அவர்களிடம் அது கையளிக்கப்பட்டது.

நிதி அன்பளிப்புச் செய்த திரு.இரத்தினசபாபதி கிருஷ்ணராசாஅவர்களுக்கும் அவரது நண்பர்களுக்கும் எமது ஒன்றியத்தின் சார்பிலும் பாடசாலை சார்பிலும் நன்றி தெரிவித்துக் கொள்கிறேன்.

பி.கு

போட்டோ பிரதி யந்திரம் தமது நாளாந்த கற்கைச் செயற்பாடுகள், பரீட்சை வினாத்தாள்கள் தயாரித்தல், மாதிரிப் பரீட்சைகள் போன்ற பலவற்றிகும் உதவுவதாக அதிபர் அறிவித்துள்ளார்.

0.0.0.0.0.0.0

பாடசாலையின் புதிய கட்டிடத்திற்கு மின்சார வசதி தேவை

2011-10-11T07:36:00.000-07:00

எமது பாடசாலைக்கு இடப் பற்றாக்குறை இருப்பதை அறிவோம். இதனைப் பற்றி சென்ற வருடம் நான் பாடசாலைக்குச் சென்று நேரடியாக பார்த்த அனுபவதில் குறிப்பிட்டுள்ளேன்.

பாரதியின் ஞானகுருவான அருளம்பல சுவாமிகள் படித்த எனது பாடசாலை

மாணவர்கள் விளையாட்டு அரங்கிலும், களஞ்சிய அறையிலும் மாணவர்களுக்கான வகுப்புகள் நடைபெற்றதை அவதானித்து மனம் வருந்தினேன்.

களஞ்சிய அறை வகுப்பறையானது

விளையாட்டு அரங்கும் வகுப்பறையானது

இப்பொழுது பாடசாலைக்கான புதிய மூன்று வகுப்பறைக் கட்டடம் நிர்மாணிக்கப்பட்டு வருகிறது.

மாகாண சபையைச் சார்ந்து கணக்காளர் திரு.சிவபாதம் அவர்களது கடுமையான முயற்சியினால் இக்கட்டடம் அரசநிதி கொண்டு அமைப்பது சாத்தியப்பட்டுள்ளது.

சென்ற மாதம் செப்படம்பர் 23ம் திகதி அதிபர் திரு.மு.கனகலிங்கம் பிரிவுபசாரக் கூட்டம்நடைபெற்றபோது கட்டட நிர்மாணவேலைகள் துரிதமாக நடைபெற்றுக்கொண்டிருப்பதை அவதானிக்க முடிந்தது.

இம்மாத இறுதிக்குள் இது நிறைவுற்று திறப்பு விழா நடைபெறும் என எதிர்பார்க்கப்படுகிறது.

ஆயினும் வகுப்பறைக்கான மின்சார இணைப்பு இத்திட்டத்தில் அடங்கவில்லை. இதனால் வகுப்பறை அமைக்கப்பட்டாலும் மாணவர்கள் மின்விளக்கு மற்றும் மின்விசிறி போன்ற வசதிகள் இன்றி சிரமப்பட நேரும்.

மின்சார இணைப்பு அளிப்பதற்கு சுமார் 125,000/= - 150,000/= வரை செலவாகும் என மதிப்பீடு செய்யப்பட்டுள்ளது.

இதற்கான நிதியுதவியை பழைய மாணவர்களும், பாடசாலை அபிமானிகளும் வழங்க முன்வருவார்களேயானால் மாணவர்கள் சுமுகமான சூழலில் படிக்க உதவும்.

0.0.0.0.0.0.0.0

திரு கனகலிங்கத்திற்கு சிறந்த அதிபர் விருதும் ஆசிரியர் தினமும்

2011-10-05T19:18:00.000-07:00

சிறந்த அதிபர் விருது இவ்வருடம் எமது பாடசாலையில் பணியாற்றிய, திரு.மு.கனகலிங்கம் அவர்களுக்கு முன்னோடி அதிபராகக் கடமையாற்றியதற்காகக் கிடைத்துள்ளது.

ஆசிரியர் தினமாகிய இன்று அதற்கான விருந்து கொழும்பில் மாண்புமிகு ஜனாதிபதி அவர்களால் வழங்கப்பட இருக்கிறது.

அர்ப்பணிப்பு, விடாமுயற்சி, தூரநோக்கு, நற்பண்புகள், நட்புணர்வு, அனைவரையும் அணைத்துச் செல்லும் பண்பு போன்றவற்றின் துணைகொண்டு எமது பாடசாலையை வடமராட்சிப் பகுதியின் முன்னணி ஆரம்பப் பாடசாலை என்ற நிலைக்கு உயர்தியமைக்காகவே அவருக்கு இவ்விருது கிட்டியுள்ளது.

ஏற்கனவே M.A Ed பட்டம் பெற்ற அவருக்கு இன்று மற்றொரு பட்டமளிப்பு விழாவும் யாழ் பல்கலைக் கழகத்தில் நடைபெற இருக்கிறது. இன்று அவர் M.Phil (Ed) பட்டம் பெறுகிறார் என்பது குறிப்பிடத்தக்கது.

ஒரே நாளில் இரு விருதுகளைப் பெறும் அவருக்கு எமது பாடசாலை சமூகம் சார்பாகவும், எமது பாடசாலையின் பழைய மாணவர் ஒன்றியம் கொழும்பு சார்பாகவும், தனிப்பட்ட ரீதியில் நண்பன் என்ற முறையிலும் வாழ்த்துக்களைத் தெரிவித்துக் கொள்கிறேன்.

எதிர்காலத்திலும் அவர் மேலும் சிறப்புகளையும் விருதுகளையும் பதவி உயர்வுகளையும் எட்டி வாழ வாழ்த்துகிறோம்.

அவரது பணிகளின் போது அவருக்கு உறுதுணையாக இருந்து வரும் அவரது துணைவியார் திருமதி குகநந்தினி கனகலிங்கம் அவர்களுக்கும் எமது வாழ்த்துக்கள்.

எமது பாடசாலை அதிபர் திரு. பொன்னையா பொன்னம்பலம், உபஅதிபர் திரு.கணநாதன் ஏனைய ஆசிரியர்கள் அனைவருக்கும் எல்லோர் சார்பாகவும் வாழ்த்துக்களைத் தெரிவிப்பதில் மகிழ்கின்றேன்.

வடமராட்சிக் கல்விப் பாரம்பரியத்தைப் பேணி, மேலும் வளர்ந்து வரும் அதிபர்கள் ஆசிரியர்கள் அனைவருக்கும் எமது வாழ்த்துக்கள்.

வடமராட்சிப் பகுதியில் உள்ள ஏனைய இரு பாடசாலை அதிபர்களும் இவ்விருதைப் பெறுகிறார்கள். நெல்லியடி மத்திய வித்தியாலய அதிபர் திரு.சேதுராஜா அவர்களும் விக்னேஸ்வரா வித்தியாலய அதிபர் சிவசுந்தரம் ஆகியோரே அவ் இருவரும். அவர்களுக்கும் எமது வாழ்த்துக்கள்.

ஆசிரியர் தினமாகிய இன்று எனக்கு சிறு வயதில் கற்பித்தவர்கள் பாக்கியக்கா, பொன்னம்மா அக்கா, நல்லம்மா அக்கா, சுப்பிரமணிய வாத்தியார், வேலுப்பிள்ளை வாத்தியார், முருகுப்பிள்ளை வாத்தியார், கிருஸ்ணதாஸ் மாஸ்டர், ஆறுமுகம் மாஸ்டர், ராசதுரை மாஸ்டர் எனப் பலர்.

அதன் பின்னர் ஹாட்லிக் கல்லூர், மருத்துவ பீடம் எனப் பல நிலைகளிலும் எம்மை வளர்த்து ஆளாக்கிய அனைத்து ஆசிரியர்களுக்கும் இந்த ஆசிரியர் தினத்தில் எனது பணிவான வந்தனங்களைத் தெரிவித்துக் கொள்கிறேன்.

0.0.0.0.0.0.0.0

அதிபர் கனகலிங்கத்திற்கு பிரிவுபசார விழா

2011-10-04T21:44:00.000-07:00

எமது பாடசாலையான மேலைப்புலோலி சைவப் பிரகாச வித்தியாலயம் சென்ற சில வருடங்களில் கற்கைப் பெறுபேறுகளிலும், தளவசதிகளிலும் துரித முன்னேற்றம் அடைந்ததற்குக் காரணம் அதிபர் திரு.மு.கனகலிங்கம் ஆவார். 5 வருடங்களாகக் கடமையாற்றிய பின்னர் சென்ற 20.06.2011 முதல் மணல்காடு பாடசாலைக்கு இடமாற்றம் பெற்றுச் சென்றுவிட்ட செய்தியை நீங்கள் அறிவீர்கள்.

இடமாற்றம் பெற்றுச் சென்ற அவருக்கு சென்ற மாதம் செப்படம்பர் 23ம் திகதி வெள்ளிக் கிழமை அதிபர் திரு. பொன்னையா பொன்னம்பலம் தலைமையில் பிரிவுபசாரக் கூட்டம் மிகச் சிறப்பாக நடைபெற்றது.

பாடசாலையின் பாலர் வளாக முன்றலில் மாணவர்களும் பான்ட் குழுவினரும் அதிபரை வரவேற்கக் காத்திருக்கின்றனர்.

மாலைகளும், மலர்களும் கை நிறைத்து, அகம் மலர்ந்து மனங்கிளற, தம் அன்பை வெளிப்படுத்த பாலர் வளாகச் சிறார்கள் காத்திருக்கிறார்கள். அதிபருக்கு விபூதி, சந்தன.

சரஸ்வதி சிலையருகே குங்குமத் தட்டை நீட்டும் ஆசிரியை .

இன்றைய அதிபர் அகம் மகிழ்ந்திருக்க நேற்றைய அதிபருக்கு மலர் மாலை உபசாரம். அருகிருக்கும் வாய்ப்பு எனக்குக் கிட்டியது.

அதிபர் திரு.மு.கனகலிங்கம், ஆசிரியையான தனது மனைவி திருமதி.குகநந்தினி கனகலிங்கம் அவர்களுடன்.

அடடா! அருகில் நின்றதால் எனது கழுத்திலும் ஒரு மலர் மாலை விழுந்தது. அருகே நிற்பது அதிபர் திரு.பொ.பொன்னம்பலம். அவருக்குப் பின்னே பாடசாலை அபிவிருத்திச் சங்க செய்லாளர். திரு.ஆ.சிறீதரன்.

காலை ஒன்பது மணியளவில் பாடசாலையில் பாலர் வளாகத்திலிருந்து அதிபரும் அவரது பாரியாரும் ஊர்வலமாக அழைத்துச் செல்லப்பட்டார்.

பாடசாலை மாணவர்களின் பான்ட் வாத்திய இசை முழங்க அணிவகுப்பாக அழைத்துச் சென்றனர்.

எமது பாடசாலையின் இளைப்பாறிய ஆசிரியையான திருமதி.வேலுப்பிள்ளை அவர்கள் தனது இல்ல முன்றலில் அதிபரை வரவேற்கிறார். விபூதி,பொட்டு அணிவித்து மலர்மாலை சூடி அதிபரைக் கெளரவித்தார்.

எமது ஊரில் பள்ளி முன்பள்ளி ஆசிரியர்களும் மாணவர்களும் அதிபருக்கு மாலை அணிவித்துக் கெளரவிக்கக் காத்திருக்கிறார்கள்.

முன்னை நாள் அதிபர் திரு.மு.கனகலிங்கம் பார்த்திருக்க இந்நாள் அதிபர் திரு.பொ.பொன்னம்பலம் அவர்களுக்கு மலர் மாலை அணிவிப்பு.

பாலர் வளாகம் முதல் பிரதான வளாகம் வரையான வீதியின் அருகில் உள்ளவர்கள் தங்கள் வீட்டு வாசலில் குத்துவிளக்கேற்றி வரவேற்று மாலைகள் அணிவித்துக் கெளரவித்தனர்.

அதிபரும் பாரியாரும்.பாடசாலை முன்றலில் பொட்டிற்று மலர் மாலை சாத்தி ஆசரியர்களாலும் மாணவர்களாலும் வரவேற்கப்பட்டனர்.

பாடசாலையின் பெரிய வாயில் அருகே வரவேற்பு.

அதிபர் தம்பதிகள் அருகில் இருப்பது தற்போதைய அதிபர் திரு. பொன்னையா பொன்னம்பலம் அவர்களாகும். கொழும்பு பழைய மாணவர் ஒன்றியத்தின் சார்பில் பிரிவுபசாரக் கூட்டத்தில் கலந்து கொள்ளச் சென்ற M.K.முருகானந்தனும் அருகில் நிற்கிறார்.

மேடையில் அதிபர் உட்பட பிரமுகர்கள் தங்கள் ஆசனங்களுக்கு வருகின்றனர்.

பாடசாலையின் பிரதான மண்டபத்தில் விழா நடைபெற்றது. மண்டபம் நிறைய மாணவர்களும், பழைய மாணவர்கள், அபிமானிகள் கலந்து கொண்டனர்.

வரவேற்புரையை பாடசாலை ஆசிரியை திருமதி.அன்னராணி சண்முகநாதன் நிகழ்த்துகிறார்.

அதிபர் திரு. பொன்னையா பொன்னம்பலம் அவர்கள் தலைமையுரை நிகழ்த்தினார்.

அடுத்து எனது உரை (எம்.கே.முருகானந்தன்) இடம் பெற்றது.

பழைய மாணவர் ஒன்றியம் கொழும்பின் சார்பாக அதிபர்.திரு.மு.கனகலிங்கம் அவர்களுக்கு ஒரு அழகிய குத்து விளக்கு அன்பளிக்கப்பட்டது.

பாடசாலை பழைய மாணவரும் முன்னாள் தொழில்நுட்பக் கல்லூரி அதிபருமான திரு.க.கதிரமலை அவர்கள் உரையாற்றுகிறார்.

பாடசாலையின் பழைய மாணவர் சங்கத் தலைவரான திரு.க.ஈஸ்வரபாதம் வாழ்துரைக்கிறார்.

விழா மேசையில் அதிபர் அவர்களுக்கு பாடசாலையால் அளிக்கபட்ட வாழ்த்துப்பாவும், கொழும்பு பழைய மாணவர் ஒன்றித்தினால் அன்பளிப்புச் செய்யப்பட்ட குத்துவிளக்கும் காணப்படுகின்றன. மேசையை நிரப்புகிறது அவருக்கு அணிவிக்கப்பட்ட மலர் மாலைகள்.

பழைய மாணவரும், பிரதேச சபை உறுப்பினருமான திரு.செல்வராசா உரையாற்றுகிறார்.

பாடசாலை மாணவி அதிபரைப் பற்றி ஆங்கிலத்தில் உரையாற்றுகிறார்.

பழைய மாணவரும், கொழும்பு பழைய மாணவர் ஒன்றியத்தின் முன்னாள் செயலாளரும், உதவிக் கல்விப் பணிப்பாளருமான திரு.சு.சற்குணராசா உரையாற்றுகிறார்.

அதிபருடனான அனுபவங்களை பாடசாலை ஆசிரியர் பகிர்ந்து கொள்கிறார்.

வாழ்த்துரை வழங்கியவர். திருமதி.எஸ்.சிறிகாந்தா அவர்களாகும்.

பாராட்டுரைகளை பல அன்பர்களும் வழங்கினார்கள்.

முன்னாள் ஆசிரியை திருமதி பரமானந்தன் அவர்களும் வாழ்த்துரை வழங்கினார்

கலைமணியின் சார்பாக அதன் தலைவர் திரு.குணா அவர்களால் வாழ்த்துப்பா அளித்துக் கெளரவிக்கப்படுகிறார்.

திரு.இராமச்சந்திரன் பெற்றோர்கள் சார்பாக உரையாற்றுகிறார்.

உபஅதிபர்.திரு.கணநாதன் பாடசாலை சார்பாக உரையாற்றுகிறார்.

உபஅதிபர்.திரு.கணநாதன் முன்னாள் அதிபருக்கு வாழ்த்துப்பாவை அன்பளிக்கிறார்.

திரு.குருசாமி அவர்கள் இன்பருட்டி சமூகம் சார்பாக அதிபரைக் கெளரவிக்கிறார்.

இடமாற்றம் செய்யப்பட்ட முன்னாள் அதிபர். திரு.மு.கனகலிங்கம் நன்றியுரை நவில்கிறார்.

பாடசாலை ஆசிரியர் திருமதி.T.கீதாஞ்சலி நன்றியுரை நிகழ்த்துகிறார்.

பாடசாலைக் கீதம் இசைக்கப்படுகிறது. அனைவரும் எழுந்து நின்று கீதமிசைப்பில் கலந்து கொள்கின்றனர்.

எமது பாடசாலையின் அண்மைக்கால சரித்திரத்தில் இல்லாதளவு மிகச் சிறப்பாக இந்தப் பிரிவுசார விழா நடைபெற்றது.

இவ் விழா சிறப்பாக நடைபெற முயற்சி எடுத்துப் பாடுபட்டு உழைத்த அதிபர் திரு.பொன்னம்பலம், உதவி அதிபர் திரு.கணநாதன், ஏனைய ஆசிரியர்கள், பாடசாலை அபிவிருத்திச் சபை உறுப்பினர்கள், பெற்றோர்கள், நலன் விரும்பிகள் அனைவரும் பாராட்டுக்குரியவர்கள். அவர்களுக்கு எமது மனமார்ந்த பாராட்டுகள்.

அதிபருக்கும் பாரியாருக்கும், கூட்டத்தில் கலந்து கொண்ட பிரமுகர்களுக்கும் மதியபோசன விருந்துபசாரம் அளித்து பாடசாலைச் வமூகம் தனது நன்றியை வெளிப்படுத்தியது.

0.0.0.0.0.0.0

புலமைப் பரீட்சை 2011 முடிவுகள்

2011-09-16T06:04:00.000-07:00

புலமைப் பரீட்சை 2011 முடிவுகள் இன்று (15.09.2011) வெளியாகியுள்ளது. இம் முறையும் எமது பாடசாலை மாணவர்கள் வடமராட்சிப் பகுதியில் முன்னணியில் சித்தி எய்தியமை தெரிய வந்துள்ளது.

மொத்தமாக எமது பாடசாலையிலிருந்து 56 மாணவர்கள் பரீட்சைக்குத் தோற்றியிருந்தனர். இதில் 13 மாணவர்கள் சிறப்பாகச் சித்தி பெற்றுள்ளனர்.

மேலும் 16 மாணவர்கள் 100 புள்ளிகளுக்கு மேல் பெற்றுள்ளனர். இன்னமும் 15 மாணவர்கள் 70 புள்ளிகளுக்கு மேல் பெற்று சித்தியெதியுள்ளனர்.

இவ்வருடம் 70 புள்ளிகளுக்கு மேல் பெற்ற அனைவருக்கும் சித்தியெத்தியதற்கான சான்றிதழ் வழங்கப்படும் எனத் தெரிகிறது.

70 புள்ளிகளுக்கு குறைவாகப் பெற்றவர்கள் இருவர் மாத்திரமே.

இவ்வகையில் எமது மாணவர்கள் பாராட்டுகுரியவர்கள். சித்தியெயதிய அனைவருக்கும் எமது மனமார்ந்த வாழ்த்துக்களைத் தெரிவித்துக் கொள்கிறோம். கடினமாகப் படித்த அனைவரையும் பாராட்ட வேண்டியது எமது கடமையாகிறது.

அவர்களுக்கு சிறப்பான முறையில் கற்பித்தலைச் செய்த ஆசிரியர்களுக்கும் எமது பாராட்டுக்களையும் நன்றிகளையும் தெரிவித்துக் கொள்கிறோம்.

எதிர்காலத்திலும் எமது மாணவர்கள் தமது முழுத் திறமையும் வெளிப்படுத்தி முன்னணியில் திகழ்வார்கள் என்பது நிச்சயம்.

அதற்கு எமது ஒன்றியம் முழுமையான ஒத்துழைப்பை வழங்ககத் தயாரக உள்ளது.

எமது போசகர் திரு சி பாலச்சந்திரன் மறைவு

2011-09-03T03:14:00.000-07:00

எமது ஒன்றியத்தின் போசகர் திரு சிற்றம்பலம் பாலச்சந்திரன் அவர்கள் காலமான துயரைச் செய்தியை அறியத் தருகிறோம்.

அவரது பூதவுடல் தற்பொழுது தெஹிவலையில் 33, 2வது ஒழுங்கையில் உள்ள அவரது இல்லத்தில் அஞ்சலிக்காக வைக்கப்பட்டுள்ளது.

நாளை (0.4.09.2011 ஞாயிறு ) காலை 9.30 மணிக்கு கல்கிஸ்ஸ பொது மயானத்தில் தகனம் செய்யப்பட உள்ளதாக அறிவிக்கப்பட்டுள்ளது.

வியாபாரிமூலையைப் பிறப்பிடமாகக் கொண்ட இவர் வீரகேசரி நிறுவனத்தில் முன்னாளில் முகாமையாளராகக் கடமையாற்றியுள்ளார்.

இலங்கை பிரமகுமாரிகள் ராஜயோக நிலையங்களின் ஊடக இணைப்பாளராக உள்ளவர் என்பதும் குறிப்படத்தக்கது.

வெள்ளவத்தை இந்து மகளிர் கல்லூரியின் முன்னாள் அதிபர் திருமதி பாலச்சந்திரன் அவர்களின் கணவருமாவார்.

அவரின் மறைவுக்கு எமது ஒன்றியத்தின் துயரைத் தெரிவிப்பதுடன் அவரது குடும்பத்தினரின் துயரில் பங்கு கொள்கிறோம்.

0.0.0.0.0.0

புதிய அதிபர் திரு.பொன்னையா பொன்னம்பலம்

2011-08-26T23:22:00.000-07:00

புதிய அதிபராக திரு.பொன்னையா பொன்னம்பலம் பதவி எற்ற செய்தியை ஏற்கனவே அறிவித்திருந்தோம்.

திரு.பொன்னையா பொன்னம்பலம்

B.Ed பட்டதாரியான எமது புதிய அதிபர் சிறப்பான ஒரு ஆசிரியரும், ஆற்றல் மிக்க நிர்வாகியும் ஆவார்.

பருத்தித்துறை ஐயனார்கலட்டியைச் சார்ந்த திரு.பொன்னையா பொன்னம்பலம் எனக்கு ஏற்கனவே அறிமுகமானவராவார். மணல்காட்டு ரோமன் கத்தோலிக்கப் பாடசாலையில் அவர் கற்பித்த வேளை பல அபிவிருத்தித் திட்டங்களை நடைமுறைப்படுத்தியிருந்தார். அது சம்பந்தமான சில விடயங்களில் நானும் அவருடன் கலந்துரையாட நேர்ந்தது.

எமது பாடசாலை அதிபராக அவர் கடமை ஏற்ற பின்னர் அவருடன் கலந்துரையாடிய போது, அவர் ஏற்கனவே பாடசாலையின் தற்போதைய நிலை பற்றியும், ஆற்றப்பட வேண்டிய அபிவிருத்திகள் பற்றியும் நிறையவே தெரிந்து வைத்திருப்பதைக் கண்டு ஆச்சரியப்பட நேர்ந்தது.

பாடசாலையின் பெளதீக வளங்களை வளரச் செய்யும் அதே நேரம் மாணவர்களின் கல்விச் செயற்பாட்டில் மேலதிக கவனம் எடுக்க வேண்டும் என கருதினார்.
எமது பாடசாலை 5ம் வகுப்பு மட்டுமே நடைபெறும் ஆரம்பப் பாடசாலை என்பதால் 5ம் ஆண்டு புலமைப் பரிசில் பரீட்சையில் மேலும் சிறந்த பெறுபேறுகளைப் பெற்று வடமராட்சியின் முன்னணி ஆரம்பப் பாடசாலையாக மூற்ற வேண்டும் என்பதே அவரது எண்ணக்கருவாக இருப்பதை உணர முடிந்தது. அது எனக்கும் உங்கள் அனைவருக்கும் மிகவும் உவப்பான செய்தி என்பதில் ஐயமில்லை.
பாடசாலையின் பெண்கள் வளாகத்திற்கு மின்சார வசதி ஏற்படுத்திக் கொடுப்பதும் அவசியம் என்கிறார். இது மாணவர்களுக்கு நல்ல நீர் வசதியையைக் கொடுப்பதற்கான நிரந்தர மின்சார மோட்டார் இணைப்பிற்கு அவசியமாகும்.

மாணவர்களை பரீட்சைக்குத் தயார்ப்படுத்துவதில் மாதிரி வினாக்களைத் தயாரிப்பது, கற்றலுக்கான விடயதானங்களை கொடுப்பது ஆகியவற்றிக்காக ஒரு போட்டோகொப்பி இயந்திரம் அவசியம் என்பதே அவர் விடுத்த முக்கிய கோரிக்கையாகும். அதனை நிறைவேற்றுவதற்கான முயற்சிகளில் இருக்கிறோம்.

எமது பாடசாலை அதிபராக வருவதற்கு முன்னர் அவர் பணியாற்றிய பாடசாலைகள் ஆவன:-

மணல்காட்டு ரோமன் கத்தோலிக்கப் பாடசாலை - அதிபர்
வெற்றிலைக்கேணி ரோமன் கத்தோலிக்கப் பாடசாலை - அதிபர்
தம்பசெட்டி மெதடிஸ்ட தமிழ் கலவன் பாடசாலை - ஆசிரியர்.

எமது பாடசாலைக்கு அதிபராக வந்தமைக்கு அவருக்கு நன்றியும் பாராட்டையும் தெரிவிக்கிறேன்.

அவரது பணியில் எமது இன்னும் பல உச்சங்களை எட்டும் என்ற நம்பிக்கை எமக்கு உண்டு. அவருக்கான முழு ஒத்துழைப்பை வழங்க எமது பழைய மாணவர் ஒன்றியம் தொடர்ந்து வழங்கும்.

0.0.0.0.0.0

புதிய வேலைத் திட்டங்கள் செயற்குழுக் கூட்டத்தில் ஆராய்வு

2011-07-14T23:23:00.000-07:00

இன்று எமது பழைய மாணவர் ஒன்றியத்தினது செயற்குழுக் கூட்டம் பம்பலப்பிட்டி கொழும்பு இந்துக் கல்லூரியில் நடை பெற்றது.

ஒன்றியத் தலைவர் டொக்டர் எம்.கேஇரகுநாதன் தலைமையில் மாலை 4.30 மணியளவில் நடைபெற்றது.

டொக்டர் எம்.கேஇரகுநாதன் தலைமையில்...

இக் கூட்டத்திற்கு திரு.க.சண்முகசுந்தரம், திருமதி.யோகா சண்முகசுந்தரம், திருமதி. வள்ளி பிரபாகர், திரு.மு.சோமசுந்தரம், திரு.இரத்தினசிங்கம், திரு.உ.வரதராஜன், திரு.க.தயாலிங்கம், திரு.க.சிதம்பரநாதன், திரு.இரவீந்திரன், திருமதி நீலா கோபாலசிங்கம், திரு.க.சச்சிதானநதம், எம்.கே.முருகானந்தன் ஆகியோர் கலந்து கொண்டனர்.

சென்ற கூட்ட அறிக்கை செயலாளர் திரு.க.சண்முகசுந்தரம் அவர்களால் வாசிக்கபட்டது.

சிலை திறப்பு, பழைய அதிபர்.திரு.மு.கனகலிங்கம் இடமாற்றம், புதிய அதிபர் திரு.பொ.பொன்னம்பலம் பதவியேற்பு உட்பட பல விடயங்கள் கலந்துரையாடப்பட்டன.

வேறு பல விடயங்களும் கலந்துரையாடப்படன.

புதிய அதிபருடன் கலந்துரையாடிய தகவல்களை முருகானந்தன் கூட்டத்தினருக்கு விளக்கினார்.
உடனடியாக பாடசாலைக்கு தேவையான விடயங்களாக இனங்காணப்பட்டவை பின் வருமாறு

போட்டோ கொப்பி இயந்திரம் அவசியமாகத் தேவைப்படுகிறது. முக்கியமாக பிள்ளைகளின் கல்வித் தரத்தை மேம்படுத்த பயிற்சி வினாத்தாள்களை பிரதி பண்ண இது தேவை எனஅதிபர் வேண்டியிருந்தார்.
போட்டோ பிரதி இயந்திரம், கணனி ஆகியன வைக்கப்பட்டுள்ள அறையின் பாதுகாப்பை மேம்படுத்த அதற்கு இரும்பிலான கதவு தேவை என உணரப்பட்டது.
பாடசாலையில் பாலர் வளாகத்திற்கு மின்சார வசதி ஏற்படுத்த வேண்டிய அவசியத்தை அதிபர் வலியுறுத்தியமையும் கவனத்திற்கு எடுக்கப்பட்டது.
பாடசாலை மாணவர்களுக்கும், ஆசிரியர்களுக்கும் என ஒரு மருத்துவ முகாம் நாடாத்துவது பற்றியும் கலந்துரையாடப்பட்டது.
இவற்றிற்கான நிதி வளங்களைப் பெறும் வழிகள் பற்றியும் ஆராயப்பட்டது.
இடமாற்றம் சென்று அதிபர்.மு.கனகலிங்கம் அவர்களுக்கு பிரியாவிடைக் கூட்டம், புதிய அதிபருக்கு வரவேற்புக் கூட்டம் ஆகியவற்றை இணைத்துச் செய்வது பற்றியும் ஆராயப்பட்டது.

கீழே உள்ள படங்கள் பம்பலப்பிட்டி இந்துக் கல்லூரி வளாகத்தில் உள்ள சரஸ்வதி, திருவள்ளுவர், கம்பர் ஆகியோரது அழகிய சிலைகளாகும். போட்டோக்கள் அலைபேசி கமராவால் எடுக்கப்பட்டவை என்பதால் தெளிவு குறைவு என்பது குறிப்படத்தக்கது.

கொழும்பு இந்துக் கல்லூரியில் சரஸ்வதி சிலை

.....

கொழும்பு இந்துக் கல்லூரியில் திருவள்ளுவர் சிலை

......

கொழும்பு இந்துக் கல்லூரியில் கம்பர் சிலை

எமது பாடசாலையில் சரஸ்வதி சிலைகள் அமைக்கப்பட்டுள்ளமை தெரிந்ததே. அவற்றிற்கான பீடங்களும் அமைக்கப்பட்டுள்ளது.

இது எமது பாடசாலையின் பிரதான வளாகத்தின் சரஸ்வதி சிலை.

இதற்கு தகரத்திலான கூடம் தற்காலிகமாக அமைக்கப்பட்டுள்ளது. அதை எவ்வாறு மேம்படுத்தலாம்.

0.0.0.0.0.0.0

அதிபர் மு.கனகலிங்கம் இடமாற்றம்

2011-06-30T03:26:00.000-07:00

எமது பாடசாலையின் அதிபராக சென்ற 5 வருடங்களாக பணியாற்றிய திரு.மு.கனகலிங்கம் அவர்கள் சென்ற 20.06.2011 முதல் வேறு பாடசாலைக்கு இடமாற்றம் பெற்றுச் சென்றுவிட்ட செய்தியை அறிவிக்கிறேன்.

புதிய அதிபராக திரு.பொன்னையா பொன்னம்பலம் பதவி ஏற்றுள்ளார். புதிய அதிபர் பற்றிய செய்திகளை அடுத்த பதிவில் தருகிறேன்.

நாடு மிகவும் இக்கட்டான நிலையில் இருந்த காலத்தில் எமது பாடசாலையில் 15.03.2006 பொறுப்பேற்றார் அதிபர். நாட்டின் நிலையைக் கருத்திற் கொள்ளாது பாடசாலையின் வளர்ச்சி ஒன்றையே நோக்காகக் கொண்டு செயற்பட ஆரம்பித்தார்.

உடனடியாக பாடசாலை சூழலில் வாழும் மக்களை அழைத்து நல்லுறவை ஏற்படுத்தியமை ஞாபகத்திற்கு வருகிறது. பழைய மாணவர் சங்கக் கூட்டம் அபிவிருத்திச் சங்கக் கூட்டம் ஆகியவற்றைக் கூட்டியபோது பருத்தித்துறையில் இருந்த என்னையும் கலந்து கொள்ள அழைத்தது நேற்று நடந்தது போலிருக்கிறது.

திரும்பவும் நான் கொழும்பு செல்ல வேண்டிய நிலை ஏற்பட்டதும் அவரது வேண்டுகோளுக்கு இணங்க இங்கு பழைய மாணவர் ஒன்றியத்தை ஆரம்பித்ததும் அதன் பின்னர் உங்கள் அனைவரது ஒத்துழைப்போடு பாடசாலை வளரச்சிப் பணியை தொடர முடிந்ததும் இனிய நினைவாகும்.

பாடசாலைக்கு பெரிய இரட்டைக் கதவும், அதற்கான வளைவும் அமைத்தல், வருடாந்த ஞாபகார்த்தப் பரிசுகள், புலமைப் பரிசில் பரீட்சையில் சித்தியடைந்தோருக்கு பரிசுகள் வழங்கல், பரிசளிப்பு விழாவிற்கான பரிசில் நூல்கள் அளித்தல், தொலைபேசி இணைப்பு, மெல்லக் கற்கும் மாணவர்களுக்கான விசேட வகுப்புகள்,கணனிகொள்பனவு, கோவைகளை கணனி மயப்படுத்தல், சரஸ்வதி சிலைகள் அமைத்தல், பாலர் வளாகத்திற்கான புதிய இரும்பு வேலி, கிணறுகளுக்கு சுகாதாரமான மூடிஅமைத்தல், நூலகம் அமைத்தல், அதற்கான தளபாடங்கள் பெறுதல், சைக்கிள் தரிப்பிடம் அமைத்தல் என எழுதி முடிக்க முடியாத அளவிற்கு பணிகள் நிறைவேற்றப்பட்டுள்ளன.

சென்ற வருடம் நான் பாடசாலை சென்றபோது

இவ்வளவு பணிகளைச் செய்த மனநிறைவுடன் அதிபர் இடமாற்றம் பெற்று மணற்காடு பாடசாலைக்குச் சென்றுள்ளார். உயர்தராதரம் பெற்ற அவரை, எமது சுயநலம் கருதி ஆரம்பப் பாடசாலை என்ற சிறையில் அடைத்து வைக்க முடியாது. அவரது பதவி உயர்வுகளுக்கு தடங்கல் ஏற்படாது அவரது தொழில் மேம்பாட்டிற்காக வழிவிட்டு நிற்போம்.

உன்னதமான இலக்குகள், உறுதியான செயற்பாடு, நிலைதளராமை ஆகியன அவரது இயல்புகளாகும். ஆசிரியர்கள், பெற்றோர் பழைய மாணவர் நலன்விரும்பிகளுடன் சுமுகமான தொடர்பாடல், கல்வித் திணைக்களத்துடனான ஒத்துழைப்பு போன்ற செயற்பாடுகள் அவர் வளர்துக்கொண்ட பண்புகள்.

இவற்றின் ஊடாக அவர் எமது பாடசாலைக்கு பல நன்மைகளைப் பெற்றுக் கொடுத்துள்ளார். இத்தகைய செயல்பாடானது பாடசாலையை உயர்நிலைக்குக் கொண்டு சென்றுள்ளது . இதையிட்டு பெற்றோரும் நலன்விரும்பிகளும் மிக்க மகிழ்சியடைகின்றோம்.

அவருக்கு எமது பழைய மாணவர் ஒன்றியத்தினதும், பாடசாலை சமூகத்தினதும் மனமார்ந்த நன்றியையும் தெரிவித்துக் கொள்கின்றோம்.

புதிதாக பொறுப்பேற்ற இடத்திலும் அவரது தன்னலமற்ற பணிகள் சிறக்க வாழ்த்துவோம்.

இடமாற்றம் பெற்றுச் செல்லும் அவர் எமக்கு அனுப்பிய நன்றிக் கடிதத்தின் பிரதியை உங்களுடன் பகிர்ந்து கொள்கிறேன்.

இடமாற்றம் பெற்ற அதிபர்.மு.கனகலிங்கம் அவர்களது கடிதம்

அன்புடையீர்,

நன்றி நவிலல்

தாங்கள் இளவயதில் கல்வி கற்ற   மேற்படி பாடசாலையின் மேம்பாடு கருதி பலவழிகளிலும் உதவியுள்ளீர்கள். பாடசாலை அபிவிருத்திச் சங்கத்தினூடாக நிதியுதவி வழங்கியும், வேண்டும்போது விரைந்து வந்து ஏனைய உதவிகளையும் செய்துள்ளீர்கள்.
     '.............................................- நின்று
தளரா வளர் தெங்கு தாளுண்ட நீரைத்
தலையாலே தான் தருதலால்'

என்ற ஒளவையாரின் மூதுரைக்கு ஏற்றாற்போல் இளம் வயதிலே எண்ணும் எழுத்தும் அறிய வைத்த பள்ளித்தாய்க்கு பிரதியுபகாரமாக தாங்கள் வளர்ந்த பின்பு இயன்றவரை மனமுவந்து உதவியுள்ளீர்கள்.

தங்களின் பாடசாலை இன்றைய நிலையிலே திருப்தியான அடைவுகளை வெளிப்படுத்தி நிற்கின்றது. அரைகுறையிலே நிற்கும் கட்டிடமும் கட்டுவதற்கு ரூபாய் இருபது இலட்சம் நிதியும் கல்வித் திணைக்களத்தால் ஒதுக்கப்பட்டுள்ளது. இவ்வருட இறுதிக்குள் கட்டிட வேலைகளும் நிறைவடையலாம் என எதிர்பார்க்கின்றேன்.

    இப்பாடசாலையில் 15.03.2006 இல் அதிபராகப் பொறுப்பெடுத்த நாள் முதல் இன்று வரை பல்வேறு செயற்றிட்டங்களுக்கும் உதவிபுரிந்து ஊக்கப்படுத்தியுள்ளீர்கள். 20.06.2011 ஆந் திகதி தொடக்கம் புதிய பாடசாலையொன்றிற்கு இடமாற்றம் பெற்றுச் செல்வதால் இன்று வரை உதவி புரிந்த தங்கள் எல்லோருக்கும் எனது இதயம் கனிந்த நன்றிகளைத் தெரிவிப்பதோடு, புதிய அதிபருக்கும் வேண்டிய ஒத்துழைப்பை நல்கி பாடசாலையின் வளர்ச்சியின் தொடர்ச்சியைப் பேணுமாறு வேண்டிக்கொள்கின்றேன்.

நன்றி

E.mail – kanagananthini@gmail.com

TP No - 0213217205

சரஸ்வதி சிலைகள் திறப்புவிழா நிகழ்வுகள்

2011-06-22T19:24:00.000-07:00

எமது ஆரம்பப் பாடசாலையான மேலைப்புலோலி சைவப் பிரகாச வித்தியாலயத்தில் பாடசாலை மாணவர்களின் தினசரி காலை வழிபாட்டின்போது வணங்குவதற்கான சிலை இல்லாததை உணர்ந்திருந்தார் அதிபர்.திரு.மு.கனகலிங்கம். அவர்களின் முன் முயற்சியால் இப்பொழுது சிலைகள் பாடசாலையின் இரு வளாகங்களிலும் அமைக்கப்பட்ட செய்தியை தந்திருந்தோம்.

பாடசாலையின் பிரதான வளாகத்தின் தெற்குப் புறமாக இரு மண்டபங்களுக்கும் இடையே உள்ள பகுதியில் சரஸ்வதி சிலை அமைக்கப்பட்டுள்ளது. பிள்ளைகள் காலையில் சிலையைப் பார்த்தபடி காலைத் துதி செய்யும்போது முற்றுக் கொற்றாவத்தை பிள்ளையார் கோவில் ஆலயமும் அத் திசையிலேயே பார்வைக்கு எட்டிய தூரத்தில் இருப்பது குறிப்பிடத்தக்கது.

அமரர்களான பத்மநாதன். இராஜலட்சுமி தம்பதிகளின் நினைவாக இச் சிலை அமைக்கப்பட்டுள்ளது. அவர்களது குடும்பத்தினர்அதற்கான நிதியுதவியை வழங்கியிருந்தனர்.

அதிபர்.திரு.மு.கனகலிங்கம் அவர்களின் வேண்டுகோளுக்கு இணங்க அமைக்கப்பட்ட இச் சிலை திறப்பு விழாவின்போது பத்மநாதன். இராஜலட்சுமி தம்பதிகளின் மகளான திருமதி.மீனலோசனி மற்றும் மருமகன் திரு. தம்பிராசா ஆகியோர் கலந்து சிறப்பித்து, திரை நீக்கம் செய்து வைத்தனர்.

இச் சிலையை தம்பசிட்டியைச் சார்ந்த கலாபூசணம்.கோ.வேலுப்பிள்ளை வடிவமைத்துக் கொடுத்துள்ளார்.

மற்றச் சரஸ்வதி சிலையானது பாடசாலையின் சிறிய வளாகத்தின் மேற்குப் புறமாக கிணற்றடிக்கு அருகில் இரு மண்டபங்களுக்கும் இடையே உள்ள பகுதியில் அமைக்கப்பட்டுள்ளது.

எமது பாடசாலையின் புகழ்பூத்த மாணவர்களில் ஒருவரான அமரர்.வை.கா.சிவப்பிரகாசம் (முன்னாள் அதிபர் கோப்பாய் ஆசிரியர் பயிற்சிக் கலாசாலை) அவர்களது ஞாபகார்த்தமாக அவரது மகன் திரு.வை.கா.சி.முகுந்தன் அவர்களது நிதியுதவில் அமைக்கப்பட்டுள்ளது. இது பாடசாலை உபஅதிபர் கணநாதன் அவர்களது வேண்டுகோளுக்கு இணங்க அமைக்கப்பட்டுள்ளது.

இச்சிலையை அமரர் வை.கா.சிவப்பிரகாசம்அவர்களது இளைய சகோதரரான திரு.வை.கா.இராமச்சந்திரன் அவர்கள் தமது குடும்பத்தினர் சார்பாக திரை நீக்கம் செய்து திறந்து வைத்தார்.

பாலர் வளாகத்தில் உள்ள சிலையை தென்னிந்தியாவைச் சார்ந்த சிற்பக் கலைஞர்கள் வடிவமைத்துக் கொடுத்திருப்பது குறிப்பிடத்தக்கது.

இரு சிலைகளுமே மிக அழகாக கலைஅம்சம் நிறைந்தனவாக அமைந்தமை மிகவும் மகிழ்ச்சி ஊட்டுகிறது. அவற்றில் உள்ள தெய்வீகக் களை மாணவர்கள் தம் மனத்தை ஒருமனப்படுத்தி, கற்கைச் செயற்பாட்டில் ஈடுபட வைக்கும் என நம்பலாம்.

இரண்டு சரஸ்வதி சிலைகளையும் அருகருகே வைத்துப் பார்க்கும்போது பிரதான வளாகத்து சிலையானது எமது பாரம்பரிய சிற்பக் கலையை நினைவூட்டுவதாக அமைந்திருப்பதாக என் மனத்தில் பட்டது.

பாலர் வளாகத்துச் சிலை அழகில் அதற்குச் சற்றும் குறைந்ததல்ல. இது நவீன சிறப்பக்கலையி்ன் நுணுக்கங்களை உள்வாங்கிப் படைக்கப்பட்டதாக மனதில் படுகிறது.

எவ்வாறாயினும் எமது பாடசாலை மாணவர்களின் நீண்ட காலத் தேவை பூர்த்தி செய்யப்பட்டமை மகிழ்ச்சியளிக்கிறது.

இச்சிலை நிறுவுவதற்கான முயற்சிகளை எடுத்த அதிபர்.திரு.மு.கனகலிங்கம், முழு ஒத்துழைப்பு வழங்கிய உப அதிபர் திரு கணநாதன், மற்றும் ஆசிரியர்களுக்கு எமது பாராட்டுகளையும் நன்றிகளையும் எமது பழைய மாணவர் ஒன்றியத்தின் சார்பில் தெரிவிப்பதில் மகிழ்ச்சியடைகிறேன்.

இதற்கான நிதியுதவையை அளித்து, எமது பாடசாலை மாணவர்களின் கனவை நனவாக்கிய அமரர்களான பத்மநாதன். இராஜலட்சுமி தம்பதிகளின் குடும்பத்தினருக்கும், அமரர்.வை.கா.சிவப்பிரகாசம்குடும்பத்தினருக்கும் எமது மனமார்ந்த நன்றிகள்.

மற்றும் சிலைகளை வடிவமைத்த சிற்பிகள், விழாவில் கலந்து கொண்ட பாடசாலை நலன் விரும்பிகள் அனைவருக்கும் எமது பழைய மாணவர் ஒன்றியத்தின் சார்பில் நன்றி தெரிவிப்பதில் மகிழ்ச்சியடைகிறேன்.

0.0.0.0.0.0.0

சரஸ்வதி சிலைகள் திறப்புவிழா அழைப்பு

2011-06-19T10:44:00.000-07:00

எமது பாடசாலையின் இரு பிரிவுகளிலும் சரஸ்வதி சிலை அமைக்கும் பணி நடை பெற்று வந்ததை அறிந்திருப்பீர்கள்.

இச் சிலைகளின் திறப்பு விழா இன்று காலை நடை பெற்றது. அது பற்றிய தகவலை மேற் கண்ட அழைப்பிதழில் காணுங்கள். விழா கல்லூரி அதிபர் திரு.மு.கனகலிங்கம் தலைமையில் நடைபெற்றது.

பாடசாலை பெரிய வழாகத்தின் சிலையானது அமரர்களான பத்மநாதன் இராசலஸ்மி தம்பதிகளின் நினைவாக அவர்களின் குடும்ப அங்கத்தவர்கள் நிதியுதவியுடன் அமைக்கப்பட்டது.

அதே வேளை சிறிய வளாகத்திற்கான சிலையானது அமரர் வை.கா.சிவப்பிரகாசம் அவர்களது நினைவாக அமைக்கப்படுவதற்கு அவரது மகன் திரு.சிவப்பிரகாசம் முகுந்தன் நிதியுதவி அளித்துள்ளார்கள்.

சிலையை அமைத்த சிற்பக் கலைஞர் கலாபூசணம் கோ.வேலுப்பிள்ளை அவர்கள் விழாவில் கெளரவிக்கப்பட்டார்.

சிலை அமைப்பதற்கு நிதியுதவி வழங்கியவர்களுக்கும், சிலையை அமைத்த கலைஞர்களுக்கும், சிலை அமைப்பதற்கு முன்முயற்சி எடுத்த அதிபர் திரு.மு.கனகலிங்கம, சக ஆசிரியர்கள், விழாவில் கலந்து கொண்ட அன்பர்கள் அனைவருக்கும் எமது ஒன்றித்தின் நன்றியைத் தெரிவித்துக்கொள்கிறோம்.

புதிய செயற்குழு 2011

2011-03-28T09:51:00.000-07:00

மேலைப்புலோலி சைவப்பிரகாச வித்தியாலயம் - பருத்தித்துறை பழைய மாணவர் ஒன்றிய பொதுக்கூட்டம் 2011 - 01 - 14ல் பம்பலப்பிட்டி இந்துக் கல்லுர்ரியில் நடைபெற்ற போது தெரிவு செய்யப்பட்ட செயற்குழு விபரம்

Office bearers-2011

Patron:                        Mr.S.Balachandran

President Dr. M.K.Ragunathan

Senior Vice President: Dr.M.K.Murugananthan

Vice Presidents:         M/s M.Somasundaram
                                        R.Raveendran

                                 Dr. G.Ketheeswaranathan
                                 M/s S.Vasudevan
                                        A.Sivanathan

Joint Secretaries        M/s K.Prabakaran
                                      S.K.Shanmugasundaram

Treasurer:                  Ms.Valli Prabagar
Asst.Treasurer                 S.Ratnasingam

Committee members: Dr. S.Mahalingam
                                     M/s    Sritharan
                                         K.Thillainathan
                                           S.Jeevakumar
                                           U.Varatharajan
                                     Ms.Vigna Selvanayagam
                                     M/s A.K.Nadarajah
                                           K.Sithamparanathan
                                            T.Balendran
                                           A.Srinathan
                                     Ms.Neelambikai Gopalakrishnan
                                     Ms.Yogeswari shanmugasundaram

Advisory Committee:      M/s.Raj. Subramaniam
                                          K.Kalakaran
                                          K.Satchithanantham
                                          S.Varnakulasingam
                                    Ms.Rajeswari Parameswaran
                                    M/s.K.Sriskandarajah
                                    Ms.Genga Ramachandran
                                    M/sT.Selvamohan
                                         S.Vasanthan
                                         S.Thayaparan
                                    Ms.Manimadevi Murugananthan
                                  Mr. R.Mohan
Auditor:                         Mr.S.Thayalingam

வருடாந்த விளையாட்டுப் போட்டி 2011

2011-02-12T01:56:00.000-08:00

எமது பாடசாலையான மேலைப்புலோலி சைவப்பிரகாச வித்தியாலயத்தின் வருடாந்த மெய்வன்மைப் போட்டி இன்று 12.02.2011 சனிக்கிழமை நடை பெற இருக்கிறது.

பாடசாலை அதிபர் மு.கனகலிங்கத்தின் தலைமையில் மாலை 2.00 மணிக்கு விழா ஆரம்பமாகிறது.

பாடசாலை மைதானத்தில் நடைபெறும் இவ் மெய்வன்மைப் போட்டிக்கு யாழ் பல்கலைக்கழக நிதியியல் முகாமைத்துவத்துறைத் தலைவர் பேராசிரியர்.மா.நடராஜசுந்தரம் பிரதம விருந்தினராகக் கலந்து கொள்கிறார்.

அனைவரையும் அன்புடன் அழைக்கிறார்கள் அதிபர், ஆசிரியர்கள், மாணவர்கள் மற்றும் பாடசாலை அபிவிருத்திச் சங்கத்தினர்.

வருடாந்தப் பொதுக் கூட்டம் 2011 சில புகைப்படங்கள்.

2011-01-15T09:14:00.000-08:00

மேலைப்புலோலி சைவப்பிரகாச வித்தியாலய கொழும்பு பழைய மாணவர் ஒன்றியத்தின் வருடாந்தப் பொதுக் கூட்டம் 2011

எமது ஒன்றியத்தின் வருடாந்தப் பொதுக் கூட்டம் தைப்பொங்கல் தினமாகிய இன்று 15.01.2011 பம்பலப்பிட்டிய இந்துக் கல்லூரியில் நடை பெற்ற போது எடுக்கப்பட்ட சில புகைப்படங்கள்.

இறை தியானத்துடன் கூட்டம் ஆரம்பமாகியது.

அங்கத்தவர்கள் மெளனமாக எழுந்து நின்று இறை தியானம் செய்தனர்.

தொடர்ந்து தலைவர் டொக்டர்.எம்.கே.இரகுநாதன் தலைமையில் கூட்டம் நடை பெற்றது.

தலைமையுரையைத் தொடர்ந்து பதில் செயலாளர் திரு.க.பிரபாகரன் தனது அறிக்கைகளை வாசித்தார்.

கலந்துகொண்ட பெண்களில் ஒரு பகுதியினர்.

ஆண்களில் சிலர்.

உபபொருளாளர் திருமதி வள்ளி பிரபாகர் சென்ற ஆண்டிற்கான கணக்கறிக்கையச் சமர்ப்பித்தார்.

ஆற்றிய பணிகள் பற்றியும், பூர்த்தி செய்ய வேண்டிய தேவைகள் பற்றியும் கருத்துரை வழங்கிய எம்.கே.முருகானந்தன்.

சிற்றுண்டிகள் பரிமாறப்பட்டது.

மீண்டும் தலைவராகத் தெரியப்பட்ட டொக்டர்.எம்.கே.இரகுநாதன் ஏற்புரை வழங்குகிறார்.

கூட்டம் மாலை 6 மணியளவில் நிறைவுற்றது.

புதிய செயற்குழு பற்றிய விபரத்தை விரைவில் இத் தளத்தில் காணலாம்.

அழைப்பிதழ் - வருடாந்தப் பொதுக் கூட்டம் 2011

2011-01-10T16:20:00.000-08:00

மேலைப்புலோலி சைவப்பிரகாச வித்தியாலய கொழும்பு பழைய மாணவர் ஒன்றியத்தின் வருடாந்தப் பொதுக் கூட்டம் 2011

மேலைப்புலோலி சைவப்பிரகாச வித்தியாலய கொழும்பு பழைய மாணவர் ஒன்றியத்தினரின் வருடாந்தப் பொதுக் கூட்டம் எதிர் வரும் தைப்பொங்கல் தினத்தன்று (15.01.2011) மாலை 4 மணிக்கு பம்பலப்பிட்டி இந்துக் கல்லாரியில் டொக்டர்.எம்.கே.இரகுநாதன் தலைமையில் நடைபெற உள்ளது.

தலைமையுரை, செயலாளரின் ஆண்டறிக்கை, பொருளாளர் அறிக்கை, ஆகியவற்றைத் தொடர்ந்து புதிய நிர்வாகக் குழு தெரிவும் இடம்பெறும்.

பெற்றோர், பழைய மாணவ மாணவிகள், ஆசிரியர்கள், நலன் விரும்பிகள் உட்பட மேலைப் புலோலி சமூகத்தைச் சேர்ந்த அனைவரையும் கூட்டத்தில் பங்கு பற்றி பாடசாலையின் எதிர்கால அபிவிருத்தி தொடர்பாக ஆலோசனைகளை வழங்கி ஒத்துழைக்குமாறு அன்புடன் அழைக்கிறோம்.

புதிய அங்கத்தவர்களின் வருகையையும் எதிர்பார்க்கிறோம்.

எம்.கே.இரகுநாதன் க.பிரபாகரன்
தலைவர் பதில் செயலாளர்

மாணவர் வழிபாட்டிற்கு பாடசாலையில் சரஸ்வதி சிலைகள்.

2010-12-28T02:23:00.000-08:00

சரஸ்வதி சிலைகள்

கல்விக்கு உரியவள் சரஸ்வதி என்பது எமது சமூகத்தின் பாரம்பரிய நம்பிக்கை. தினமும் பாடசாலை தொழுமையுடன் ஆரம்பிக்கிறது. மாணவர்கள் தேவாரம் மற்றும் துதிப் பாடல்கள் பாடி தினமும் நாளை அர்ப்பணிப்புடன் ஆரம்பிக்கும்போது அவர்கள் வணக்கத்திற்கு ஒரு சரஸ்வதி சிலை அவசியம் என சில மாதங்களுக்கு முன்னர் இங்கு குறிப்பிட்டிருந்தோம்.

இப்பொழுது எமது பாடசாலையின் இரு வளாகங்களுக்கும் தனித்தனியே ஒவ்வொரு சரஸ்வதி சிலை செய்வதற்கான நிதியுதவி கிட்டியுள்ளது.

பிரித்தானியாவில் (UK) வாழும் எமது பாடசாலையின் பழைய மாணவரான பத்மநாதன் சோதிநாதன் அவர்கள் ஒரு இலட்சம் பணத்தைஅன்பளிப்பாகத் தந்துள்ளார். இப் பணத்தில் பிரதான வளாகத்தில் சரஸ்வதி சிலை அமைக்கப்படுவதற்கான ஏற்பாடுகள் துரிதமாக நடைபெற்று வருகின்றன. தனது தாயாரான திருமதி.இராசலட்சுமி பத்மநாதன் அவர்களது நினைவாக இந்தச் சிலையை செய்து தருகிறார். இளைப்பாறிய புகையிரத நிலைய அதிபரான திரு.செ.பத்மநாதன் அவர்களின் பாரியாரும், புகழ் பெற்ற உயிரியல் ஆசிரியர் நாகநாதன் அவர்களது தாயார் என்பதும் குறிப்பிடத்தக்கது.

திரு.சிவப்பிரகாசம் முகுந்தன் (USA) அவர்கள் ரூபா ஒரு இலட்சம் பணத்தை அன்பளிப்பாகத் தந்துள்ளார். இந்நிதியைக் கொண்டு பாடசாலையின் பாலர் வளாகத்தில் சரஸ்வதி சிலை அமைக்கப்பட இருக்கிறது. இது அவரது தகப்பனார் திரு.வை.கா.சிவப்பிரகாசம் அவர்களது நினைவாக அமைக்கப்பட இருக்கிறது. வை.கா.சி எனவும் A+ எனவும் அக்கால மாணவர்களால் அன்போடு அழைக்கப்பட்ட திரு.வை.கா.சிவப்பிரகாசம் எமது பாடசாலை பெற்றெடுத்த சிறந்த கல்விமான்களில் ஒருவராவார். அண்ணாமலைப் பல்கலைக்கழகத்தின் M.A. பட்டதாரியான இவர் காட்லிக் கல்லூரி ஆரம்பத்தில் ஆசிரியராகக் கடமையாற்றினார். கொழும்பு சஹீராக் கல்லூரியிலும் கடைமையாற்றினார். பின்னர் கோப்பாய் ஆசிரியர் பயிற்சிக் கல்லூரியன் அதிபராகவும் கடமையாற்றிவராவார்

நிதியுதி அளித்த திரு.சிவப்பிரகாசம் முகுந்தன் USA மற்றும் பத்மநாதன் சோதிநாதன்(UK) ஆகியோருக்கு எமது பழைய மாணவர் ஒன்றியத்தின் சார்பில் நன்றியைத் தெரிவித்துக் கொள்கிறேன்.

இந் நிதியுதிகளைப் பெற்றுக் கொடுப்பதில் ஊக்கம் செலுத்திய எமது பழைய மாணவர் ஒன்றிய கண்டிப் பிரிவின் தலைவர் திரு.சி.வாசுதேவன் அவர்களுக்கும் கண்டி பழைய மாணவர் ஒன்றிய உறுப்பினர் திரு.கந்தையா செல்வமோகன் அவர்களுக்கும் எமது நன்றிகள். அதேபோல நோர்வேயில் வாழும் திரு.இரத்தினசபாபதி கிருஸ்ணராசா அவர்களுக்கும் எமது நன்றிகள்.

இச் சிலைகளை தம்பசட்டியைச் சார்ந்த ஆச்சாரியார் வேலுப்பிள்ளை அவர்கள் செய்து தருவதற்கு இணங்கியுள்ளதாக அறிகிறோம்.

பரிசளிப்பு விழா இன்னும் சில காட்சிகள்

2010-10-30T02:28:00.000-07:00

வரவேற்புரை வழங்குபவர் ஆசிரியை அன்னராணி சண்முகநாதன் ஆகும். இவர் எமது மதிப்பிற்குரிய முன்னாள் தலைமை ஆசிரியர் சுப்பிரமணியம் அவர்களின் பேத்தி என்பது குறிப்பிடத்தக்கது.

அதனைத் தொடர்ந்து எமது மதிப்பிற்குரிய அதிபர் திரு.மு.கனகலிங்கம் அவர்கள் தலைமையுரை ஆற்றுகிறார்.

பரிசளிப்பு விழாவின் போது மேடையில் அமர்ந்திருக்கும் பெரியார்கள் முறையே திரு செ.கணேசரத்தினம் (இளைப்பாறிய ஆசிரியர் காட்லிக் கல்லூரி, திரு.க.கதிரமலை (அதிபர் யாழ் கல்வியியல் கல்லூரி), திரு.ந.இரத்தினவடிவேல், டொக்டர்.எம்.கே.இரகுநாதன்(பொது மருத்துவ நிபுணர்- கொழும்பு தேசிய வைத்தியசாலை), திருமதி டொக்டர்.ரம்யா இரகுநாதன் (சருமநோய் நிபுணர் - பொது மருத்துவமனை காலி), திரு.சு.சற்குணராசா(உதவிக் கல்வி அதிகாரி யாழ்ப்பாணம்)

பிரதம விருந்தினரான டொக்டர்.எம்.கே.இரகுநாதன் அவர்களுக்கு உப அதிபர் திரு.ஆறுமுகம் கணநாதன் அவர்கள் மலர்மாலை சூட்டி கெளரவிக்கிறார்.

எமது பாடசாலையின் வளர்ச்சிக்கு குறுகிய காலத்தில் அளப்பரிய சேவை அளித்துவரும் அதிபர்.திரு.மு.கனகலிங்கம் அவர்களை கொழும்பு பழைய மாணவர் ஒன்றியத்தின் சார்பில் பாராட்டிபேசுகிறார் திரு.ந.இரத்தினவடிவேல் அவர்கள்.

அதிபருக்கு கொழும்பு பழைய மாணவர் ஒன்றியத்தின் சார்பில் சிறு அன்பளிப்பு அளித்துக் கெளரவிக்கிறார் திரு.ந.இரத்தினவடிவேல்.

பிரதம விருந்தினரான டொக்டர்.எம்.கே.இரகுநாதன்உரையாற்றுகிறார்.

அதிபரின் சேவையைப் பாராட்டு முகமாக அவருக்கு கொழும்பு பழைய மாணவர் ஒன்றியத்தின் சார்பாக பொன்னாடை போர்த்திக் கெளரவிக்கிறார் பிரதம விருந்தினர்.

கூட்டத்தில் கலந்து கொண்ட பாராளுமன்ற உறுப்பினர் கெளரவ அப்பாத்துரை விநாயகமூர்த்தி சிறப்புரை ஆற்றுகிறார்.

மாணவர்களுக்கு பரிசில்களை வழங்குகிறார் டொக்டர் திருமதி.ரம்யா இரகுநாதன்.

புலமைப் பரிசில் பரீட்சையில் சித்தி எய்திய மாணவர்களுக்கு கேடயம், இளஞானச் சுடர் விருது, பணப்பரிசு, பரிசு நூல்கள் ஆகியவற்றை வழங்குகிறார் பிரதம விருந்தினரான டொக்டர்.எம்.கே.இரகுநாதன்.

நன்றியுரை வழங்குகிறார் ஆசிரியை திருமதி இந்துமதி பரமானந்தன்.

பரிசளிப்பு விழாவில் கலந்து கொண்ட பெற்றோர், பழைய மாணவர்கள், அபிமானிகள் மண்டபத்தில் அமர்திருக்கிறார்கள்.

மண்டபம் சிறியதாகையால் அது நிரம்பி வெளியே பலரும் நின்று பார்க்க வேண்டியநிலை ஏற்பட்டதால் அடுத்த பரிசளிப்பு விழாவை வெளியே விளையாட்டு அரங்கில் நடத்த வேண்டும் என்ற கோரிக்கைய பலரும் எழுப்பியதாகத் தெரிகிறது.

பரிசளிப்பு நிகழ்வுகள் நிறைவுற்றதும் மாணவர்களின் கலை நிகழ்ச்சிகள் நடைபெற்றன. ஒரு பெண்ணின் அபிநயத் தோற்றம் மேலே.

தொடர்ந்து குழு நடனம்

மற்றொரு கண்கொள்ளாக் காட்சி.

குழு நடனத்தில் பங்கேற்ற குழந்தைகள் கீழே.

மற்றும் பல கலை நினழ்வுகளும் நடைபெற்றன.

பரிசளிப்பு விழா சில காட்சிகள்.

2010-10-27T10:06:00.000-07:00

மேலைப்புலோலி சைவப் பிரகாச வித்தியாலயத்தின் பரசிளிப்பு விழா அண்மையில் நடைபெற்றதை அறிவீர்கள்.

விழாவின் போது எடுக்கப்பட்ட புகைப்படங்கள் சில.

பரிசளிப்பு மேசையில் நூல்களும் கேடயங்களும்.

பிரதம விருந்தினரான டொக்டர்.எம்.கே.இரகுநாதனும், திருமதி ரம்யா இரகுநாதனும் மலர் மாலை அணிவித்து வரவேற்கப்படுகின்றனர்.

வாயிலிலிருந்து அழைத்துச் செல்லப்படுகையில்..

மாணவர்களிடையே பிரதம விருந்தினரும் பாரியாரும்

பிரதான மண்டபத்தினுள் ....

மேடையில் பரிசளிப்பு கேடயங்களுக்கு அருகில் ....

குத்து விளக்கு ஏற்றுகிறார் பிரதம விருந்தினரான டொக்டர்.எம்.கே.இரகுநாதன்.

இன்னும் பல புகைப்படங்கள் மற்றொரு பதிவில்.

பரிசளிப்பு விழா அழைப்பு 2010

2010-10-17T09:26:00.000-07:00

எமது பாடசாலையின் வருடாந்தப் பரிசளிப்பு விழா எதிர் வரும் 23.10.2010 சனிக்கிழமை அன்று டொக்டர்.எம்.கே.இரகுநாதன் தலைமையில் நடைபெற இருக்கிறது.

பரிசில்களை திருமதி ரம்யா இரகுநாதன் அவர்கள் பரிசில்களை வழங்குவார்.

பரிசு பெறும் மாணவர்களுக்கு உங்கள் வாழ்த்துக்களைத் தெரிவியுங்கள்.

புலமைப் பரிசில் பரீட்சையில் சிந்தியடைந்தோருக்கு பரிசில்கள் வழங்கும் பரவலர்கள்

2010-10-15T09:40:00.000-07:00

2010ம் ஆண்டு புலமைப் பரிசில் பரீட்சையில் சிந்தியடைந்தோருக்கு பரிசில்கள் வழங்க நிதி உதவி வழங்கியோர்.

எமது பாடசாலையான மேலைப்புலோலி சைவப்பிரகாச வித்தியாலயதிலிருந்து மேற்படி புலமைப் பரிசில் பரீட்சையில் சிந்தியடைந்தோருக்கு எமது பழைய மாணவர் ஒன்றியம் வருடாவருடம் இளஞானச் சுடர் விருதினையும், பணப் பரிசிலையும் வழங்கி வருவதை அறிவீர்கள்.

இவ் வருடம் 16 மாணவ மாணவிகள் சித்தியடைந்துள்ளனர் என்பதை ஏற்கனவே அறியத் தந்தோம்.

அவர்களுக்கு எதிர் வரும் 22ம் திகதி போயா தினத்தில் நடைபெற இருக்கும் வருடாந்த பரிசளிப்பு விழாவின் போது பரிசில்கள் வழங்கப்படும். அதற்கான நிதியுதவி வழங்கியோர் விபரம் பின் வருமாறு

திருமதி.கலா.சுந்தரலிங்கம் (கனடா)- வியாபாரிமூலை அமரர்கள், பிரபல வர்த்தகர் திரு.நா.ம.பரம்சோதி, திருமதி.இராசரத்தினம் பரம்சோதி அவர்களின் ஞாபகார்த்தமாக அவர்களது இளைய மகள் - ரூபா 2000.00 (ஒருவருக்கு)
திரு.இராசலிங்கம் சுந்தரலிங்கம் (கனடா)- அமரர்கள் திரு.சு.இராசலிங்கம், திருமதி சேதுப்பிள்ளை இராசலிங்கம் அவர்களின் ஞாபகார்த்தமாக அவர்களது மகன் - ரூபா 2000.00 (ஒருவருக்கு)
திரு.இராசநாதன் சுவாமிநாதன் - ரூபா 4000.00 (இருவருக்கு)
திரு.முருகுப்பிள்ளை சோமசுந்தரம் - ரூபா 4000.00 (இருவருக்கு)
திருமதி.கெங்கா இராமச்சந்திரன் - வியாபாரிமூலை வள்ளிவளவு அமரர்கள் பிரபல வர்த்தகர் பலாங்கொடை திரு.நடராசா, திருமதி அன்னபூரணி நடராசா ஞாபகார்த்தமாக அவர்களின் மகள் - ரூபா 4000.00 (இருவருக்கு)
திரு.சிதம்பரம் வர்ணகுலசிங்கம்; - ரூபா 2000.00 (ஒருவருக்கு)
திரு.கதிர்காமத்தம்பி கலாகரன் - ரூபா 2000.00 (ஒருவருக்கு)
திரு.கதிர்காமத்தம்பி பிரபாகரன் - ரூபா 2000.00 (ஒருவருக்கு)
திரு.ஆறுமுகநாதன்.சிவநாதன் - ரூபா 2000.00 (ஒருவருக்கு)
திரு.கந்தயினார் முருகவேள் (அவுஸ்திரேலியா)- ரூபா 2000.00 (ஒருவருக்கு)
திரு.கந்தயினார் பாலதாஸ் (கண்டி) - ரூபா 2000.00 (ஒருவருக்கு)
திரு.சிதம்பரப்பிள்ளை வாசுதேவன் (கண்டி) - ரூபா 2000.00 (ஒருவருக்கு)

இவர்களில் பெரும்பாலானவர்கள் மேற்படி பரிசுப் பணத்தை வருடாந்தம் வழங்குவதற்கு இணங்கியிருப்பதும் குறிப்பிடத்தக்கது.

விசேட பரிசுகள்

இவற்றைத் தவிர கீழ்கண்டவர்களால் வங்கியில் இடப்பட்ட வைப்புப் பணத்தின் வட்டிப் பணத்திலிருந்தும் பரிசுகள் வழங்கப்படுகிறது.

டொக்டர்.M.K.இரகுநாதன் அவர்களால், அதிக புள்ளிகளைப் பெற்று முதலாம் இடத்தில் வருபவருக்கு திரு திருமதி கனகசபாபதி வருடாந்த நினைவுப் பரிசிற்காக வைப்பிலிட்ட ரூபா 100,000.00 லிருந்து கிடைக்கும் வருடாந்த வட்டிப் பணம் பரிசாக வழங்கப்படும்.
டொக்டர்.S.N.செல்வச்சந்திரன் அவர்களால், புள்ளிகள் அடிப்படையில் முதல், இரண்டாம், மூன்றாம் இடங்களில் வருவோருக்கு இவ்வருடப் பரிசாக டொக்டர்.செல்வச்சந்திரனின் வருடாந்த புலமைப் பரிசில் வழங்கிய ரூபா 15,000.00 முறையே 50%, 30%, 20% என்ற விகிதத்தில் பகிர்ந்து அளிக்கப்படும். அடுத்த வருடத்திலிருந்து அவர் வைப்பிலிட்ட ரூபா 200,000.00 லிருந்து கிடைக்கும் வருடாந்த வட்டிப் பணம் முதல் மூவருக்கும் அதே விகிதத்தில் பரிசாக வழங்கப்படும்.
திரு.கேதீஸ்வரன் அவர்களால் அதிக புள்ளிகளைப் பெற்று முதலாம் இடத்தில் வருபவருக்கு அமரர் முன்னாள் அதிபர் ந.சிவபாதசுந்தரம் நினைவாக வைப்பிலிடப்பட்ட 15,000.00 (பதினையாயிரம்) ரூபாயிலிருந்து கிடைக்கும் வட்டிப் பணம் பரிசாக வழங்கப்படும்.

5 ம் ஆண்டு புலமைப் பரிசில் பரீட்சையில் அதிக மாணவர் சித்தி.

2010-09-28T09:12:00.000-07:00

மிக மகிழ்ச்சியான செய்தியை உங்களுடன் பகிர்ந்து கொள்கிறேன்.

இவ் வருடமும் 5 ம் ஆண்டு புலமைப் பரிசில் பரீட்சையில் எமது பாடசாலையிலிருந்து அதிக எண்ணிக்கையான மாணவ, மாணவி்கள் சித்தியெய்தி உள்ளனர்.

மொத்தமாக 16 பேர் சித்தியெய்தியுள்ளனர். பரீட்சைக்கு தோற்றியவர்கள் 54 பேர் மட்டுமே எனும் போது இது நல்ல விகிதாசாரம் ஆகும்.

அதி உச்ச புள்ளியைப் பெற்றவர் செல்வி Y.தர்சிகா ஆகும். அவர் 161 புள்ளிகளைப் பெற்றுள்ளார்.

அடுத்து செல்வன்.R.யதுர்ஸன் 160 புள்ளிகளைப் பெற்றுள்ளார்.

மூன்றாம் இடத்தில் S.அபிலாஜினி 157 புள்ளிகளைப் பெற்றுச் சித்தியெய்தி உள்ளார்.

அடுத்து செல்லி.R.சரண்யா 155 புள்ளிகளைப் பெற்றுள்ளார்.

செல்லி K.பவித்ரா 154 புள்ளிகளைப் பெற்றுள்ளார்.

செல்வன்.S.குகநிசாந்தன்154 புள்ளிகளைப் பெற்றுள்ளார்.

செல்வன்.G.சஜீசன் 153 புள்ளிகளைப் பெற்றுள்ளார்.

செல்வி.T.சஜீசா 150 புள்ளிகளைப் பெற்றுள்ளார்.

செல்வி.T.நிர்மலா 150 புள்ளிகளைப் பெற்றுள்ளார்

செல்வி.V.சுகன்யா 149 புள்ளிகளைப் பெற்றுள்ளார்.

செல்வி.V.மதுப்பிரியா 148 புள்ளிகளைப் பெற்றுள்ளார்.
இவரது புகைப்படம் கிடைத்ததும் வெளியடப்படும்.

செல்வி.S.வைஸ்ணவி 147 புள்ளிகளைப் பெற்றுள்ளார்.

செல்வி.S.வேணுஜா 146 புள்ளிகளைப் பெற்றுள்ளார்.

செல்வன்.B.பானுகாந் 143 புள்ளிகளைப் பெற்றுள்ளார்.

செல்வி.K.கலைநிலா 142 புள்ளிகளைப் பெற்றுள்ளார்.

செல்வி.R.சர்மிகா 142 புள்ளிகளைப் பெற்றுள்ளார்.

இவர்களைத் தவிர இன்னும் பல மாணவர்கள் வெட்டுப் புள்ளிக்கு மிக அருகாமையில் இருக்கிறார்கள். இன்னும் பலர் 100 புள்ளிகளுக்கு மேல் பெற்றுள்ளனர்.

பரீட்சையில் சித்தி எய்திய மாணவர்கள் அனைவருக்கும் எமது பழைய மாணவர் ஒன்றியம் தனது மனமார்ந்த வாழ்த்துக்களைத் தெரிவித்துக் கொள்கிறது.

ஏனைய மாணவர்களுக்கும் அவர்களது அயராத முயற்சிக்குப் பாராட்டுக்களை தெரிவிப்பதுடன், இடுத்த முறை வெற்றி பெற வாழ்த்துக்களையும் தெரிவித்ர்க் கொள்கிறோம்.

வரவு செலவு அறிக்கை - 2008

2010-09-23T18:38:00.000-07:00

யா|மேலைப் புலோலி சைவப்பிரகாச வித்தியாலய
பழைய மாணவர் ஒன்றியம் - கொழும்பு

வரவு செலவு அறிக்கை 2008

பரிசளிப்பு விழா நன்கொடைகள் 2008

வரவு

சென்ற வருட மீதி முற்கொணர்ந்தது 5,500.00
அங்கத்துவப் பணம் 3,000.00
2008ம் ஆண்டு பரிசளிப்பு விழாவிற்காகக் கிடைத்த நன்னொடை 17,500.00
மொத்தம் 26,000.00

செலவுகள்

2008ம் ஆண்டு பரிசளிப்பு விழாவிற்காகக் அனுப்பிய நன்னொடை 12,000.00
நினைவுப் பரிசில் விளம்பரப் பலகை 1,400.00
மீதி 12,600.00

2008 டிசம்பர் 31ம் திகதி அன்றுள்ளவாறான ஐந்தொகை

திரண்ட நிதி சொத்துக்கள்
ஆரம்ப மீதி 5,500.00 ரொக்கம் 12,600.00
கூட்டு சேகரிப்புகள் 20,500
கழி:
கொடுப்பனவுகள் 13,400.00
12,600.00 12,600.00

பரிசளிப்பு விழா நன்கொடைகள்
திரு.சுவாமிநாதன் 5,000.00
திரு.மு.சோமசுந்தரம் 2,000.00
டொக்டர்.எம்.கே.முருகானந்தன் 2,000.00
திரு.இராஜ் சுப்பிரமணியம் 2,000.00
திருமதி வள்ளி பிரபாகர் 1,000.00
திரு.எஸ்.கே.சண்முகசுந்தரம் 1,000.00
திரு.கே.சிதம்பரநாதன் 1,000.00
திரு.எஸ்.சற்குளராஜா 1,000.00
திரு.எஸ்.இரட்ணசிங்கம். 1,000.00
திரு.எஸ்.வர்ணகுலசிங்கம் 1,000.00
மொத்தம் 17,5000.00

நினைவுப்பரிசில் நன்கொடைகள்

திருமதி. கதிரவேற்பிள்ளை அவர்களது ஞாபகார்த்தமாக
திரு. .க. மகேஸ்ஸவரன் வழங்கியது 15000.00
திருமதி. செல்லாட்சி இராஜரட்ணம் ஞாபகார்த்தமாக
திரு. ராஜ்சப்பிரமணியம் வழங்கியது 15000.00
திருமதி. மனோன்மணி சுவாமிநாதன் ஞாபகார்த்தமாக
திரு. எஸ். சிவபாலன் வழங்கியது 20000.00
திரு. வ. துரைசாமிபபிள்ளை ஞாபகார்த்தமாக
திரு. து. ராஜசேகரன் மற்றும்
திருமதி. இராஜேஸ்வரி பரமெஸ்வரன் வழங்கியது 20000.00
திரு. சி. சிதம்பரம் ஞாபகார்த்தமாக
திரு. வர்ணகுலசிங்கம் வழங்கியது 15000.00
திரு. திருமதி. கனகசபாபதி ஞாபகார்த்தமாக
திரு.க. இரகுநாதன் வழங்கியது 100000.00
திரு. திரு.நாவுக்கரசு ஞாபகார்த்தமாக
திருமதி. கௌரிமனோகரி வழங்கியது 15000.00
திரு. காசி விஸ்வநாதன் ஞாபகார்த்தமாக
திருமதி. கா. தேவாம்பிகை வழங்கியது 15000.00
திரு. நா. சிவபாதசுந்தரம் ஞாபகார்த்தமாக
திரு. பொ. குகதீஸ்வரன் வழங்கியது 15000.00
திரு. மூ. பொன்னையா ஞாபகார்த்தமாக
திரு. வேல். நந்தகுமார் வழங்கியது 15000.00
னுச. த. பரமகுருநாதன் ஞாபகார்த்தமாக
திருமதி. ப. தங்கம்மா வழங்கியது 15000.00
திரு. க. நாகப்பர் ஞாபகார்த்தமாக
திரு. நா. சண்முகதாசன் வழங்கியது 20000.00

பாடசாலை சரித்திரத்தில் இவர்கள்

2010-09-18T03:01:00.000-07:00

எமது பாடசாலை பல பெரியார்களுக்கு ஆரம்பக் கல்வியை அளித்த பாடசாலையாக இருந்திருக்கிறது. அவர்களில் பலர் செய்த சமூக, பாடசாலைத் தொண்டுகள் மறக்கவெண்ணாதவை.

அத்தகையவர்கள் பற்றிய புகைப்படங்களையும் தகவல்களையும் எதிர்காலச் சந்ததியினருக்காக ஆவணப்படுத்த வேண்டிய கட்டாயம் இருக்கிறது. அவற்றை நினை கூர்வது எமக்கும் உற்சாகத்தையும் ஊக்கத்தையும் அளிக்கும்.

தம்மிடம் இருக்கும் தகவல்களையும் புகைப்படங்களையும் பழைய மாணவர்களும் நலன் விரும்பிகளும் பகிர்ந்து கொள்வது காலத்தின் தேவையாகும்.

திரு.ஆ.சி.நாகலிங்கம்பிள்ளை (மனேஜர்)

எமது பாடசாலையின் முகாமையாளராக (மனேஜர்) ஆக இருந்த திரு.ஆ.சி.நாகலிங்கம்பிள்ளை அவர்களது புகைப்படம். அதற்கு முன்னர் அவரது தகப்பனாரான திரு.ஆ.ஆ.சிதம்பரப்பிள்ளை அவர்களது பராபரிப்பில் 1884ம் ஆண்டு முதல் இயங்கியதாக ஆவணங்கள் குறிப்பிடப்படுகின்றன.

இப் புகைப்படத்தை ஜெனி (Geni) ஊடாகப் பகிர்ந்து கொண்ட டொக்டர்.பா.கனகசபை அவர்களுக்கு நன்றி.

திரு.ஆ.சி.நாகலிங்கம்பிள்ளை (மனேஜர்)

திருமதி பாக்கியம் முருகேசு

மேலைப்புலோலி சைவ பாலிகா பாடசாலை 1893ம் ஆண்டு முதல் இயங்கி வந்தது.

திருமதி பாக்கியம் முருகேசு அப்பாடசாலையின் ஆசிரியராகவும் பின்னர் அதன் அதிபராகவும் 1965ம் ஆண்டு வரை திறமையோடு பணியாற்றினார்.

திருமதி.முருகேசு பாக்கியம் (முன்னைநாள் அதிபர்)

நான் முதல் முதலாக பாடசாலைக்குச் சென்ற போது அவர்தான் அதிபராகக் கடமையாற்றிக் கொண்டிருந்தார். அவரின் கீழ் கற்கும் பாக்கியம் எனக்கும் கிட்டியது.

அவரது புகைப்படத்தை அளித்த பாக்கியக்காவின் மகளான ஜெயகெளரி அவரது கணவன் ராஜா முருகதாஸ் ஆகியோருக்கு நன்றி.

பொன்னம்மா அக்கா (ரீச்சர்)

திருமதி.பொன்னம்மா (முன்னைநாள் ஆசிரியர்)

எமது பாடசாலையின் பெண்கள் பிரிவாக இருந்த பாலிகா பாடசாலையில் ஆசிரியராக இருந்த பொன்னம்மா ரீச்சரை அண்மையில் ஊருக்கு சென்ற போது சந்திக்கும் வாய்ப்பு கிடைத்தது.

அன்று போவே இன்றும் அதே தோற்றத்தில் இருக்கும் அவர் என்னைக் கண்டதும் பழைய நினைவுகளைப் பகிர்ந்து கொண்டார். நான் முருகன் வேடம் இட்டு நடித்ததாகச் சொன்னார். ஆயினும் எனக்கு ஞாபகம் இல்லை.

அவர் பாதம் பணிந்து ஆசீர்வாதம் பெறும் பாக்கியம் கிடைத்தது.

திரு.வே.சிவக்கொழுந்து (கவிஞர் யாழ்ப்பாணன்)

அடுத்து வருவது எமது பாடசாலையின் புகழ் பூத்த மாணவர்களில் ஒருவரான திரு.வே.சிவக்கொழுந்து. கவிஞர் யாழ்ப்பாணன் என்ற பெயரில் இவரது புகழ் தமிழ் கூறும் உலகெங்கும் பரவியிருந்தது.

திரு.வே.சிவக்கொழுந்து (யாழ்ப்பாணன்)

மாலைக்கு மாலை, முல்லைக் காடு, கவிதைக் கன்னி ஆகியன இவரது கவிதை நூல்களாகும்.

இவை தவிர பூமிசாத்திரம், மனக்கணிதம் போன்ற பல பாட நூல்களையும் இயற்றி அன்றைய மாணவர்களின் கல்வி வளரச்சிக்கு அரும் தொண்டாற்றினார்.

இவர் ஆரம்பித்து நடாத்தி வந்த 'வடலங்கா புத்கசாலை' அன்று எமது வாசிப்புத் தீனிக்கு அன்றைய காலகட்டத்தில் தீனி போட்டதை மறக்க முடியாது.

அதே போல அவரது கலாபவனம் அச்சகமும் அன்றைய காலகட்டத்தில் ஆற்றிய அச்சக சேவை மிகவும் பிரபலமானது.

மேலும் தகவல்கள் கிடைக்கும் போது 'பாடசாலை சரித்திரத்தில் இவர்கள்'.. தொடரும்.

பாடசாலையின் தேவைகள்

2010-09-02T10:10:00.000-07:00

புதிய கட்டிடம்

எமது பாடசாலைக்கு மிக அவசியமாகத் தேவைப்படுவது புதிய இரண்டு மாடிக் கட்டிடமாகும். இடவசதி மிகக் குறைவாக இருப்பதால் சிரமங்கள் பல எதிர்நோக்கப்படுகிறது.

போருக்குப் பின்னான இன்றைய காலத்தில் எனது பாடசாலையில் மாணவர் தொகை திடீரென அதிகரித்தததை அடுத்து இடப் பற்றாக்குறை அதிகமாக உணரப்படுகிறது.

சில மாணவர்களுக்கான வகுப்புகள் களஞ்சிய அறையிலும்,

களஞ்சிய அறை வகுப்பிறையானது

மற்றொன்று விளையாட்டு மைதான அரங்கிலும் நடப்பதை புகைப்படங்களில் நீங்கள் காணலாம்.

விளையாட்டு மைதான அரங்கும் வகுப்பறையானது

ஆயினும் புதிய கட்டம் ஒன்றை அமைப்பதற்கு நிதி மிகப் பெரும் பிரச்சனை. குறைந்தது 30 - 40 இலட்சங்களாவது தேவைப்படும். இதனை உள்ளுர், வெளிநாடுகளில் உள்ள பழைய மாணவர்கள் மற்றும் அபிமானிகளால் நிறைவு செய்வது கஸ்டம்.

சில அரச சார்பற்ற நிறுவனங்களை அணுகியபோதும் நிறைவேறவில்லை. தொடர்ந்து முயற்சி செய்யப்படுகிறது. வன்னயில் முனைப்பாக இருப்பதால் அரசாங்கமும் அண்மையில் செய்யும் எனத் தோன்றவில்லை.


கைவிடப்பட்ட பழைய இரட்டைமாடிக் கட்டிட அத்திவாரம்

புதிய கட்டடம் அமைப்பதற்கான உங்கள் அனைவரதும் ஆலோசனைகள் வரவேற்கப்படுகின்றன.
கருத்துரைப் பக்கத்தில் உங்கள் கருத்துக்களைத் தெரிவிக்கலாமே.

சிறுநீர்க் கழிப்பிடம்.

பிரதான பாடசாலைக்கான சிறுநீர்க் கழிப்பிடம்.

பிரதான பாடசாலையின் சிறுநீர்க் கழிப்பிடம் மிகவும் மோசமான நிலையில் இருக்கிறது. அது சுத்தமும் சுகாதாரமும் மிக்கதாக இருந்தால்தான் மாணவ மாணவிகள் அசூசையின்றி செல்லக் கூடியதாக இருக்கும். அதற்கேற்ற புதிதாக நவீன சிறுநீர்க் கழிப்பிடம் அமைக்க வேண்டியது மிக அவசரத் தேவையாகும்.

இதற்கும் அரசநிதி பெறுவதற்கு முயற்சிகள் எடுக்கப்படுகிறது.

சுற்றுமதில் சித்திரங்கள்

பாடசாலையின் சுற்றுமதில் சுவரின் முற்புறமதில், உட்பக்கங்கள் மற்றும் கட்டிடங்களின் வெளிச் சுவர்களிலும் சித்திரங்கள் வரையப்பட வேண்டும்.

மாணவர்களின் அறிவிவிருத்திக்கு பயன்படக் கூடிய சித்திரங்களையும், வரைபடம், ஒழுக்க சுகாதார நடைமுறைகள் போன்றவற்றை பல முன்னணிப் பாடசாலைகள் வரைந்திருப்பதை அறிவீர்கள். இது மாணவர்களின் பொது அறிவு விருத்திக்கும், கற்றலுக்கு உதவும் விதமாகவும், பாடசாலையை அழகுறுத்தவும் அவசியமானது.

வெறுமையான சுவர்

வெறுமையாக இருக்கும் சுற்றுமதிலின் இந்த பகுதியில் அழகிய, அறிவுறுத்தும் சித்திரம் இருந்தால் எப்படி இருக்கும் என்பதைக் கற்பனை பண்ணிப் பாருங்கள்.

ஒரு இடைவெளியை சிமெந்து பூசி சித்திரம் வரைய சுமார் இருபத்தி ஐயாயிரம் (25,000) தேவைப்படும் என மதிப்பீடு செய்யப்பட்டுள்ளது. பங்களித்தவர் விபரங்கள் அனுசரணை என்ற சிறுதலைப்பில் ஒவ்வொரு சித்திரத்திலும் எழுதப்படும். மறைந்தோர் ஞாபகமாகவும் செய்யலாம்.

சரஸ்வதி சிலை

கல்விக்கு உரியவள் சரஸ்வதி என்பது எமது சமூகத்தின் பாரம்பரிய நம்பிக்கை. தினமும் பாடசாலை தொழுமையுடன் ஆரம்பிக்கிறது. மாணவர்கள் தேவாரம் மற்றும் துதிப் பாடல்கள் பாடி தினமும் நாளை அர்ப்பணிப்புடன் ஆரம்பிக்கும்போது அவர்கள் வணக்கத்திற்கு ஒரு சரஸ்வதி சிலை அவசியம் என அதிபர்களும் ஆசிரியர்களும் அபிப்பிராயப்படுகிறார்கள்.

அவ்வாறான ஒரு சிலை செய்வதற்கு சுமார் 35,000 முதல் 40,000 செலவாகும் என மதிப்பிடப்பட்டுள்ளது. மறைந்த உங்கள் தாய் தந்தையர் அல்லது குடும்பப் பெரியார் நினைவாக செய்யப்பட்டால் அவர் பெயர் அதனடியில் பொறிக்கப்பட்டு காலாகாலத்திற்கு நினைவு கூரப்படும்.

பிரதான மண்டபத்தின் தரைக்கு மாபிள் கல் பதித்தல்

பாடசாலை பிரதான மண்டபத்தின் தரை மிகப்பழமையானது. எவ்வளவு முயன்றாலும் முழுமையாகச் சுத்தப்படுத்த முடியாதளவு பழுதாகிவிட்டது. ஆயினும் பிரார்தனையின் போதும் ஏனைய விழாக்கனிள் போதும் மாணவர்கள் அந்தத் தரையிலேயே உட்கார வேண்டியுள்ளது.

இப்பொழுதுள்ள செப்பனிட வேண்டிய மண்டபத் தரை

எனவே இத்தரைக்கு மாபிள் கல் பதித்தல் மிக அவசியமான பணியாகியுள்ளது. அவ்வாறு செய்தால் சிரமமின்றி கூட்டி அல்லது ஈரத்தால் துடைத்தோ இலகுவாகச் சுத்தம் செய்து மாணவர்களை அழுக்குப் படாமல் உட்காரச் செய்யலாம்.

ஏற்கனவே அதிபர் காரியாலயம் மாபிள் பதிக்கப்ட்டுள்ளது.

மாபிள் பதித்த அதிபர் காரியாலயம் மற்றும் மண்டபத்தின் வரவேற்புப் பகுதி

முழு மண்டபத்திற்கும் பதிக்க ரூபா 5 இலட்சம் செலவாகக் கூடும். ஒருவரால் இதைச் செய்ய முடியாதவிடத்து இதனைக் கூட்டு முயற்சியாகச் செய்யலாம் எனத் தோன்றுகிறது. கருத்துக்களை வரவேற்கிறோம்.

சிறிய பாடசாலையின் முன் வாயில் மொட்டையாக நிற்கிறது. அதற்கு முகரி செய்ய வேண்டியுள்ளது.

தளபாட பராமரிப்பும், வர்ணம் பூசுதலும்

பாடசாலை தளபாடங்களை பேணிப் பாதுகாப்பதற்கு பராமரிப்பு அவசியம். 2-3 வருடங்களுக்கு ஒரு முறை அவற்றைத் திருத்தி வர்ணம் பூச சுமார் ஐப்பதினாயிரம் தேவைப்படும்

சிறிய பாடசாலை சுற்று மதில்

சிறிய பாடசாலையின் முற்பகுதி அழகிற்காகவும் பாதுகாப்பிறகாகவும் இரும்புவலை வேலி அமைக்கப்பட்டுள்ளது.

ஆரம்பப் பாடசாலையின் பிற்புற கிளுவமர வேலி

ஆயினும் ஏனைய மூன்று பக்கங்களையும் சுற்றி மதில் அமைக்க வேண்டியுள்ளது.

பாரதியின் ஞானகுருவான அருளம்பல சுவாமிகள் படித்த எனது பாடசாலை

2010-08-21T02:49:00.000-07:00

எனது ஊர் பயணத்தின் முக்கிய அம்சமாக அமைந்தது நான் எனது ஆரம்பப் பாடசாலைக்கு சென்ற தினமாகும். அறிஞர்கள் பலரும் கல்வியால் பெருமை பெற்று தலை நிமிர்ந்து நிற்பதற்கு அடித்தளம் இட்டது அந்தச் சிறிய பாடசாலையான மேலைப்புலோலி சைவப்பிரகாச வித்தியாலயம் தான் என்பதை நினைக்கும்போது ஆச்சரியம் மேலிடுகிறது.

பாரதியின் ஞானகுருவான அருளம்பல சுவாமிகள் , சதாவதானி கதிரவேற்பிள்ளை ஆகியோரின் புனித பிஞ்சுப் பாதங்கள் பதிந்த மண் அது.

பாரதி போற்றிய
அருளம்பல சுவாமிகள்
(Arulampala Swamy)

எத்தனை கல்விமான்கள் அந்தப் பாடசாலை மாணாக்கர்களாக இருந்திருக்கிறார்கள்.

Thuraisamipillai

பரமேஸ்வராக் கல்லூரியில் அத்தக் காலத்தில் அதிபராக இருந்த துரைச்சாமிப்பிள்ளை,

திரு.வே.தா.சி.சிவகுருநாதன்.

ஆனந்தக் கல்லூரி ஹெட் மாஸ்டராகவும், Raja's Picture Lessons என்ற ஆங்கில பாடசாலை நூலாசரியருமான தே.தா.சி.சிவகுருநாதன்,

Raja's Picture lessons by
V.T.S.Sivagurunathan

கவிஞர் யாழ்ப்பாணன், கற்கண்டுப் பண்டிதரான பொன்.கிருஸ்ணபிள்ளை, பலாலி ஆசிரியர் பயிற்சிக் கலாசாலை அதிபர்.வை.கா.சிவப்பிரகாசம், என அடுக்கிக் கொண்டே போகலாம்.

திரு.வை.கா.சிவப்பிரகாசம்

இன்றைய தலைமுறையில் பல வைத்தியர்கள், பொறியிலாளர்கள், கணக்காளர்கள், தொழிலதிபர்கள், ஆசரியர்கள் எனப் பலரின் ஆற்றல் வெளிப்படுவதற்கு உந்துகோலாக இருந்திருக்கிறது. நானும் அங்கு படித்தேன் என்பது என்னைப் பெருமை கொள்ள வைக்கிறது.

புதிதாகக் கட்டப்பட்ட வாகனத் தரிப்பிடத்தில் சைக்கிள்கள் ஒழுங்காக விடப்பட்டிருக்கின்றன.

புதிய வானத் தரிப்பிடம்

பாடசாலைக்கு சென்ற 04.08.2010 அன்று செல்லக் கிடைத்தது.

அதிபருடன் நான் அவரது அலுவலகத்தில்

சுமார் 50 வருடங்களுக்கு முன் படித்த அதே பாடசாலைதானா இது ஆச்சரியாக இருந்தது. அந்தக காலக்கதையை விட்டாலும் சுமார் 15 வருடங்களுக்கு முன் நான் பார்த்த பாடசாலையாகவும் இது இல்லை. முற்றாகப் புதுப் பொலிவு அடைந்திருக்கிறது. இவை கடந்த 5 வருடங்களுக்குள் நடந்த அதிசய மாற்றங்கள். அதற்கான மந்திரக்கோல் அதிபர் கனகலிங்கம் கையில் இருந்தது.

வாசலில் வரவேற்கிறது வண்ணச் சுவர். தொடர்ந்து இரண்டை வாசல் பெரிய கதவு. கார் லொறி ஈடாகச் சுலபமாக உள்ளே நுழைக் கூடியளவு பெரிதாக, மேலே பாடசாலைப் பெயர் வளைவுடன்.

பாடசாலை மண்டபங்கள் வகுப்பறைகள் மண்டபங்கள் யாவும் வண்ணப் பொலிவுடன் கண்களுக்கு இதமாக இருக்கின்றன. பாடசாலைச் சூழல் குப்பை கூளமின்றி மிகத் துப்பரவாக இருக்கினறன.

ஓவ்வொரு மரத்தின் மீதும் அதன் பெயர் எழுதப்பட்டு மாணவர்களை சூழலுடன் இணைத்துக் கல்வி புகட்டுகின்றன.

மண்டபங்களுக்கு வெளியே பூஞ்செடிகள் அழகாகக் காட்சியளிக்கின்றன. போதிய நீரும் கவனிப்பிலும் ஆனந்தமாகத் தலையசைத்து எங்களுக்கு வணக்கம் கூறுகின்றன.

ஒவ்வொரு வகுப்பிலும் மாணவர்கள் உற்சாகமாக இருக்கிறார்கள்.

வகுப்பறைச் சுவரில் வகுப்பாசிரின் பெயர் பதிக்கப்பட்டுள்ளது. வசதியான தளபாடங்கள் சிறார்களுக்குக் கிடைத்துள்ளன.

சமைலறை சுத்தமாக இருந்தது. பணியாளர்கள் சீருடையணிந்து சமையல் செய்கிறார்கள்.

பயிற்றங்காய் வெட்டப்பட்டு நீரில் கழுவிச் சமைப்பதற்குத் தயாராக இருப்பதை காணக் கூடியதாக இருந்தது.

கணனி அறை நவீனமயப்பட்டுத்தப்பட்டுள்ளது.

கணனி அறையில் அதிபர்.மு.கனகலிங்கம்.

புதிய கம்பியூட்டர்களுடனும் வசதியான தளபாடங்களுடன் மாணவர்களுக்கு கல்வியூட்டத் தயாராக இருக்கிறது.

போதிய இடவசதி இல்லாததால் விளையாட்டு மைதான அரங்கில் மாணவர்களுக்கான ஒரு வகுப்பு நடைபெறுவதை அவதானிக்கலாம்.

விளையாட்டு மைதான அரங்கில் வகுப்பு

பாடசாலையின் பாலர் பிரிவு புதிய கம்பிவலை வேலியுடன் அழகாகக் காட்சியளிக்கிறது.

கிணறு அசுத்தப் பாமதவாறு கம்பி வலையால் மூடப்பட்டுள்ளது. தண்ணீர்த் தாங்கியும், அதை நிரப்ப மோட்டாரும் இருப்பதால் நீர் வசதிக்குக் குறைவில்லை.

பாலர் பிரிவின் நவீன மலசல கூடம்

பாலர் பிரிவிற்கு நவீன மலசல கூடம் கிடைத்திருக்கிறது.

பிரதான பாடசாலையின் பழைய சிறுநீர்க் கூடம்

ஆயினும் பிரதான பாடசாலையின் சிறுநீர் கழிப்பிடம் மிகப் பழையது. சிறந்த நவீன மலசல கூடம் புதிதாக அமைக்க வேண்டியது அவசியமாக இருக்கிறது.

புலமைப் பரிசில் அளித்தவர்களினதும் பாடசாலை வளர்ச்சிக்குப் பங்களிப்பு செய்த ஏனையவர்களின் தரவுகளும் சுவர்களில் விளம்பரப்படுத்தப்பட்டுள்ளன.

அதிபர் அறை கணனிமயப்படுத்தப்பட்டு தரவுகள் மிக ஒழுங்காக பேணப்படுகின்றன.

பாடசாலையில் கல்வி கற்கும் ஒவ்வொரு மாணவனதும் தரவுகள் புகைப்படத்துடன் கணனி ஏற்றபட்டுள்தை பார்க்கும்போது ஆச்சரியமாக இருந்தது.

மதிய போசனம் அளிப்பதற்காக தரவுகன் தினமும் Excel ல் செய்யப்பட்ட மென்பொருள் மூலம் கணக்கிடப்பட்டுப் பேணப்படுகின்றன. தினமும் பாடசாலைக்கு வந்த மாணவர்களின் தொகையை உள்ளீடு செய்தால். இன்றைக்குத் தேவையான அரிசி, மரக்கறி, எரிபொருள், சமையல் கூலி போன்ற சகல விடயமும் கணக்கிடப்படுகிறது.

மாத முடிவில் மாதாந்தச் செலவுக் கணக்கு விபரம் உடனடியாகக் கிடைக்கிறது. ஆனால் பெரும்பாலான பாடசாலைகளில் அத் தரவுகளை எழுதிக் கணுக்கிட்டுப் பேணுவதற்கு ஒரு ஆசிரியரின் வேலை நேரம் ஒதுக்கப்படுவதைக் காணலாம்.

இவ்வாறு நவீன வசதிகளை எமது சினஞ்ச் சிறு பாடசாலைக்குக் கொண்டு வந்த அதிபரும், அவருக்கு வலது கையாக நின்று உதவும் உபஅதிபர், மற்றும் ஆசிரியர்கள் அனைவரும் பாராட்டுக்குரியவராவார்கள்.

பாடசாலைக்கு அவசியம் தேவைப்படும் ஏனைய வசதிகள் பற்றி மற்றொரு கட்டுரையில் தருகிறேன்.

அதிபர்.மு.கனகலிங்கம் அவர்களுக்கான இடமாற்றம் ஒத்தி வைப்பு

2010-07-31T09:32:00.000-07:00

எமது பாடசாலை அண்மைக் காலத்தில் பெற்ற பல சிறப்பான செயற்பாடுகளுக்கு முக்கிய காரணகர்த்தாவாக இருந்தவர் அதிபர்.மு.கனகலிங்கம் என்பது எல்லோரும் அறிந்த விடயமாகும்.

தலைமைத்துவப் பண்பும், அர்ப்பணிப்பும், தொலைநோக்கும் கொண்ட ஒரு சிறந்த அதிபர் அவராகும். மாணவர்களின் கல்வித் தரமும், பாடசாலைக்கான வசதிகளும் பொருண்மிய வளமும் அவரது காலத்தில் அளப்பரிய முன்னேற்றம் கண்டன.

ஆயினும் அதிபர் தர 2ம் தரத் தேர்வில் தெரிவானதால் க.பொ.த சாதாரணதர வகுப்புகள் வரையுள்ள பாடசாலைக்கு மாற்றம் செய்ய கல்வித் திணைக்களம் நடவடிக்கை எடுத்து மணல்காடு பாடசாலைக்கு அவரை இடமாற்றம் செய்தது.

இடிபோன்ற செய்தியாக பாடசாலை சமூகம் கலங்கி நின்றது.
ஆயினும் ஓய்ந்து விடவில்லை.

இதை எதிர்த்து பாடசாலை மாணவர்களும், பொற்றோர் நலன்விரும்பிகளும் பாடசாலை வகுப்பு பகிஸ்பரிப்பு, வீதிப் போராட்டம் என பல்வேறு நடவடிக்கைகளில் ஈடுபட்டனர்.

அதே வேளை கொழும்பு பழைய மாணவர் ஒன்றியமும் மாகாண அமைச்சு அதிகாரிகளுடனும் பேச்சு வார்த்தைகள் நடாத்தினர்.

ஆனால் இவை எதுவும் பயன் பெறாது போனது.

இறுதி முயற்சியாக எமது ஒன்றியத் தலைவர் டொக்டர்.எம்.கே.இரகுநாதன் மாகாண ஆளுனர் மேஜர் ஜெனரல் G.A.சந்தரசிறி அவர்களுடன் நேரடித் தொடர்பை ஏற்படுத்தி விடயங்களை விளக்கினர்.

முக்கியமாக பாடசாலை வளர்ச்சிக்கு அதிபர் ஆற்றிய பணிகளைச் சுட்டிக் காட்டி, அவர் ஆரம்பித்த பணிகளை தொடரந்து நடாத்தி பூர்த்தி செய்வதற்காக அவரது இடைமாற்றத்தை இடைநிறுத்துமாறு வேண்டினார்.

இதனைத் தொடர்ந்து மாகாண ஆளுனர், அதிபரையும் கல்வித் திணைக்கள அதிகாரிகளையும் நேரடியாகத் தனது அலுவலகத்திற்கு அழைத்து விசாரணை நடாத்தினார்.

இதன் பலனாக, தற்போதைய அதிபரின் சேவை எமது பாடசாலைக்கு தொடர்ந்து சில காலத்திற்கு தேவை என்பதை உணர்ந்தார். அவரின் இடமாற்றத்தை ஒரு வருட காலத்திற்கு ஒத்தி வைக்குமாறு ஆணையிட்டார்.

அவருக்கு எமது பழைய மாணவர் ஒன்றியம் மனமார்ந்த நன்றிகளைத் தெரிவித்துக்கொள்கிறது

இப்பொழுது அதிபர்.மு.கனகலிங்கம் எமது பாடசாலையில் மேலும் ஒரு வருடத்திற்கு பணியாற்றும் வாய்ப்புக் கிடைத்துள்ளது. இந்த அரிய சந்தர்ப்பத்தை பயன்படுத்தி, அவருடைய சேவைக் காலத்தில் எமது பாடசாலைக்கு மேலும் சில அபிவிருத்திப் பணிகளையாவது நாம் மேற் கொள்ள வேண்டியது அவசியமாகும்.

அதற்கு பழைய மாணவர்கள் உட்பட இப் பாடசாலைச் சமூகத்தைச் சார்ந்த அனைவரது ஆலோசனைகளும், ஒத்துழைப்பும் பங்களிப்பும் தேவைப்படுகிறது. பாடசாலைச் சமூகம் எனக் குறிப்பிடும்போது அந்தப் பாடசாலைச் சுற்றாடலைச் சார்ந்த அனைவரையும் குறிக்கிறது.

இன்பருட்டி, நாவல்நகர், தம்பசிட்டி, சாளம்மை, வியாபாரிமூலை, பளவத்தை, அல்வாய் வடக்கு, சுப்பர்மடம் என அதன் சுற்றாடலில் உள்ள அனைத்துக் கிராமங்களில் வாழ்ந்த, வாழ்கின்ற, வாழ்ந்தவர்களின் வழிதோன்றல்கள் அனைவரும் அடங்குகின்றனர்.

இந்தச் சந்தர்ப்பத்தைப் பயன்படுத்தி எமது பாடசாலையை மேலும் முன்னேற்றப் பாதையில் இட்டுச் செல்ல அணிதிரள்வோம்.

டொக்டர் வதனியால் பாடசாலை நூலகத்திற்கு அன்பளிப்பு

2010-07-30T18:22:00.000-07:00

14.01.2010 நடைபெற்ற வருடாந்தப் பொதுக் கூட்டத்தில் கலந்து கொண்ட டொக்டர் வதனி சண்முகதாஸ் அவர்கள் பாடசாலை நூலக்திற்கு நூல்கள் கொள்வனவு செய்வதற்காக ரூபா 2000 தந்து உதவினார்கள்.

பாடசாலை அதிபர் மு.கனகலிங்கம் அப் பணத்திற்கு நெல்லியடி சிதம்பரப்பிள்ளை புத்தகசாலையிலிருந்து புத்தகங்கள் கொள்வனவு செய்து நூலகத்தில் சேர்த்துள்ளார்.

தன்னலமற்ற அவரது பணிக்கு எமது ஒன்றியத்தின் சார்பில் நன்றி சொல்கிறோம்.

சென்ற வருடம் கொழம்பில் பாடசாலை நூலகத்திற்கு ஒரு தொகுதி நூல்கள் சேகரிக்கப்பட்டு அனுப்பி வைத்த செய்தியை அறிந்திருப்பீர்கள்.

திருமதி வைத்திலிங்கம் மாணிக்கம் ஆசிரியை

2010-07-30T09:25:00.000-07:00

திருமதி வைத்திலிங்கம் மாணிக்கம் ஆசிரியை

பழைய மாணவர்கள் பலருக்கும் மாணிக்கம் ஆசிரியை நினைவு இருக்கக் கூடும். பாடசாலைக்கு முதல் முதலில் வரும் குழந்தைகளுக்கு ஒரு தாய்போல மாணிக்கம் ரீச்சர் அன்பு காட்டி அரவணைத்த காரணத்தால்தான் மாணவர்களால் புதிய சூழலுக்கு இசைய முடிந்தது.

எமது பாடசாலையின் ஆண்பிரிவின் முதல் பெண் ஆசிரியை ஆன இவரை இவ்வருட ஆரம்பித்தில் (14.01.2010) நடந்த வருடாந்த பொதுக் கூட்டத்தின் போது பொன்னாடை போர்த்திக் கௌரவிக்க இருந்தோம்.

ஆயினும் உடல்நிலை காரணமாக அன்று அவரால் கூட்டத்தில் கலந்து கொள்ளnமுடியவில்லை. இருந்த போதும் தான் கற்பித்த பாடசாலையை மறக்காத அந்த நல்ல உள்ளம் ரூபா 10,000 நன்கொடையாக தந்து உதவினார்.

இதில ரூபா 5000 வருடாந்த பரிசளிப்பு விழாவில் மாணவர்களுக்கு பரிசு அளிப்பதற்காக பாடசாலை நிதிக்கு அனுப்பப் பட்டது. மிகுதி இவ் வருடம் தேவைபபடும் வேறு ஏதாவது முக்கிய பணிக்காக வைக்கப்பட்டுள்ளது.

தன்னலமற்ற அவரது பணிக்கு எமது ஒன்றியத்தின் சார்பில் நன்றி சொல்கிறோம்.

வருடாந்தப் பொதுக் கூட்டம் நிறைவுற்றதும் எமது ஒன்றியத் தலைவர் டொக்டர்.எம்.கே.இரகுநாதன் ஆசிரியையின் இல்லத்திற்குச் சென்று தனது முன்னாள் ஆசிரியைக்கு தனது வந்தனங்களைத் தெரிவித்தார். எமது ஒன்றியத்தின் முக்கிய உறுபினரான கனகசுந்தரம் சண்முகசுந்தரமும் அவருடன் கூடச் சென்று தனது வந்தனங்களைத் தெரிவித்தார்.

செயலாளர் அறிக்கை 2009

2010-03-01T08:39:00.000-08:00

மேலைப் புலோலி சைவப்பிரகாச வித்தியாலயம் கொழும்பு
பழைய மாணவர் ஒன்றியம் கொழும்பு

2009ம் ஆண்டிற்கான செயலாளர் அறிக்கை

மேலைப் புலோலி சைவப்பிரகாச வித்தியாலய கொழும்பு பழைய மாணவர் ஒன்றியத்தின் 2009ம் ஆண்டிற்கான செயலாளர் அறிக்கையைச் சமர்ப்பிப்பதில் பெரு மகிழ்ச்சியடைகின்றேன். முதலில் இன்றைய கூட்டத்தில் கலந்து கொண்ட பாடசாலை வளர்ச்சியில் அக்கறை கொண்ட பழைய மாணவர்கள் அனைவருக்கும் நன்றி கலந்த பொங்கல் வாழ்த்துக்கள். அத்துடன் இப்பாடசாலை மண்டபத்தை எமக்குத் தந்துதவிய பாடசாலை அதிபருக்கும் எமது உளமார்ந்த நன்றிகள்.

எமது ஆரம்பப் பாடசாலையான மேலைப்புலோலி சைவப்பிரகாச வித்தியாலயத்திற்கான பல அபிவிருத்திப் பணிகள் நடப்பு ஆண்டில் நிறைவு செய்யப்பட்டுள்ளன. எமது ஒன்றிய அங்கத்தவர்களாகிய உங்களது ஒத்தழைப்பாலும், பொருள் உதவியாலும் இவற்றை நிறைவேற்ற முடிந்துள்ளது. பாடசாலையின் அபிவிருத்தி மற்றும் வளர்ச்சிப் பணிகளைப் பொறுத்த வரை இது மிகவும் திருப்தியான ஆண்டாகக் கருதலாம்.

அண்மையில் ஆரம்பிக்கப்பட்டுள்ள மற்றும் செய்து முடிக்கப்பட்டுள்ள சில பணிகள் பற்றிய தகவல்களை தருவதில் மகிழ்ச்சியடைகிறேன்.

முற்புற பெரிய கதவு

   வடக்குப்புறமாக பெரியவாசற்கதவு டாக்டர் மு.க.முருகானந்தன் அவர்களினால் தனது தாயாரான கதிரவேற்பிள்ளை பரமேஸ்வரி ஞாபகமாக வழங்கப்பட்ட ரூபா 25000 நிதியினைக் கொண்டு அமைக்கப்பட்டுள்ளது. அதற்கு மேலுள்ள பாடசாலைப் பெயர் வளைவு திரு.கனகசாபதி மோகன் அவர்களால் அமைத்துக் கொடுக்கப்பட்டதும் குறிப்பிடத்தக்கது.

டெலிபோன் இணைப்பு

   எமது பாடசாலைக்கு இவ்வருட ஆரம்பம்வரை தொலைபேசி வசதி இல்லாதிருந்தது. இதனால் பாடசாலை அதிபர், ஆசிரியர்கள், கல்வி இலாகா அதிகாரிகள் பெற்றோர்கள் அனைவருமே தொடர்புகளுக்கு காலவிரயம் செய்ய வேண்டியிருந்தது. இதனைக் கருத்திற் கொண்டு திரு.ஆ.சிவநாதன் தனது தாயாரான திருமதி. இந்திரா ஆறுமுகநாதன் நினைவாக பாடசாலைக்கு தொலைபேசி இணைப்பையும் அதற்கான ஒரு வருடக் கட்டணத்தையும் (ரூபா 20,000) வழங்கியுள்ளார்.

சைக்கிள் தரிப்பிடம்

   எமது பாடசாலை ஒரு உள்ளுர் சிறிய ஆரம்பப்பாடசாலையாக இருந்தபோதும் அதற்கும் ஒரு சைக்கிள் தரிப்பிடம் (பார்க்) அவசியமாக இருந்தது. பாடசாலைக்கு சைக்கிளில் வரும் சில மாணவர்களுக்காக மட்டுமன்றி ஆசிரியர்களது சைக்கிள்கள் மற்றும் வேறு தேவைகளுக்காக வரும் அதிகாரிகள், பெற்றோர்கள், நலன்விரும்பிகள் போன்றோரது வாகனங்களை விடுவதற்கும் இது அவசியம் என உணரப்பட்டது.

இப்பொழுது 40 அடி நீளமான வசதியான சைக்கிள் தரிப்பிடம் பாடசாலையின் பெரிய கதவிற்கு மேற்குப் புறமாக மதிலை அண்டிய நிலப்பரப்பில் கட்டி முடிக்கப்பட்டு பாவனையில் உள்ளது. இதற்காக நிதியை டென்மார்க்கில் வாழும் இரத்தினசபாபதி கிருஷ்ணராஜா அவர்களும் அவரது நண்பர்களுமாக இணைந்து சேர்த்துக் கொடுத்துள்ளார்கள். இதற்காக ரூபா 128,000 செலவிடப்பட்டுள்ளது.

மெல்லக்கற்கும் மாணவர்களுக்கான விஷேட வகுப்புகள்

மெல்லக் கற்கும் மாணவர்களின் கல்வித்தரத்தை உயர்த்துவதற்கான விஷேட வகுப்புகள் பாடசாலையில் சிறப்பாக நடைபெற்று வருகிறது. கல்வித் தரத்தில் மிகவும் பின்தங்கியிருந்த 8 மாணவர்கள் இவ்வருடம் இவ் வகுப்புக்கள் மூலம் முன்னேற்றமடைந்து வழைமையான வகுப்புக்களுக்கு மீளச் சேர்க்கப்பட்டுள்ளமை இத்திட்டத்தின் மிகப் பெரிய வெற்றியாகும்.

அண்மையில் வன்னியிலிருந்து இடம் பெயர்ந்த பல மாணவர்கள் எமது பாடசாலையில் அனுமதிக்கப் பட்டுள்ளார்கள். அவர்களில் சிலர் கல்வியியில் மிகவும் பின்தங்கிய நிலையில் இருப்பதால் அவர்கள் இப்போது விசேட வகுப்புக்களில் உள்வாங்கப்பட்டுள்ளனர். பிரபல வர்த்தகர்களான அமரர்.சி. திருச்செல்வம் மற்றும் அமரர் சி.சிவகுலசிங்கம் ஆகியோர் ஞாபகார்த்தமாக இத்திட்டத்தை தொடர்ச்சியாக நடத்துவதற்கான நிதியுதவிகளை திரு தி.செல்வமோகன் மற்றும் திரு சி.வசந்தன் ஆகியோர் வழங்கியுள்ளனர். இரண்டாம் கட்ட நிதியான ரூபா 20000 ம் வழங்கப்பட்டுள்ளது. இவ்வருடம் மொத்தமாக 40,000 வழங்கப்பட்டுள்ளது.

புலமைப்பரிசில் பரீட்சை முடிவுகள்

இவ்வருடம் எமது பாடசாலையில் இருந்து 8 மாணவர்கள் புலமைப்பரிசில் பரீட்சையில் சித்தியடைந்துள்ளனர். இவர்களுள் முன்னணியில் உள்ள மாணவர்கள் 165, 164, 162 என மிக நல்ல புள்ளிகளைப் பெற்றுள்ளனர். இம்முறை யாழ் மாவட்ட வெட்டுப்புள்ளி 140 புள்ளிகளாகும். 130-140 க்கும் இடைப்பட்ட புள்ளிகளை மேலும்8 மாணவர்கள் பெற்றமை குறிப்பிடத்தக்கதாகும். 100 க்கும் மேற்பட்ட புள்ளிகளை மேலும் 8 மாணவர்கள் பெற்றுள்ளனர்.

இந்த வகையில் எமது பாடசாலையின் பெறுபேறுகள் மிகவும் பாராட்டத்தக்கதாக அமைந்துள்ளது. பரீட்சையில் சித்தியெய்திய மாணவர்களுக்கு எமது பாராட்டுக்களைத் தெரிவித்துக்கொள்கிறோம். இவர்களது வெற்றிக்குக் காரணமாயிருந்த ஆசிரியர்களுக்கும் அதிபர்க்கும் எமது நன்றிகள். ஏனைய மாணவர்களும் நல்ல பெறுபேறினைப் பெற்றுள்ளனர். இவர்களுக்கும் எமது வாழ்த்துக்கள்.

புலமைப்பரீட்சையில் சித்தியெய்திய 8 பேரில் 7 பேர் புலமைப்பரிசில் உதவி நிதியைப் பெறத் தகுதியுள்ளவர்கள் என்பது குறிப்பிடத்தக்கது.

புலமைப்பரிசில் பரீட்சையில் சித்தியடைந்த மாணவர்க்கு 'இளஞானச் சுடர்' விருதும் பணப்பரிசும்

புலமைப்பரிசில் பரீட்சையில் சித்தியடைந்த மாணவர்களுக்கு எமது பழைய மாணவர் ஒன்றியம் வருடாந்தம் 'இளஞானச் சுடர்' விருதும் பணப்பரிசும் அளித்து ஊக்குவித்து வருகிறது.

2009ல் புலமைப்பரிசில் பரீட்சையில் சித்தியடைந்த 8 மாணவர்களுக்கும் தலா ரூபா 1000 பணப்பரிசாக வழங்கப்பட்டுள்ளது. இதற்கான நிதியுதவியை வழங்கியோர் விபரம் பின்வருமாறு

திரு.மு.சோமசுந்தரம் 1500
திரு.க.சிதம்பரநாதன் 1500
திரு.இராஜ் சுப்ரமணியம் 1500
டொக்டர்.எம்.கே,முருகானந்தன் 1500

2008ல் புலமைப்பரிசில் பரீட்சையில் சித்தியடைந்த மாணவர்களுக்கும் தலா ரூபா 2000 பணப் பரிசாக வழங்கப்பட்டது. தனது தந்தையாரான திரு.நாகப்பர் நினைவாக திரு. நாகப்பர் சண்முகதாஸ் அவர்களால் இதற்கான நிதியுதவி ரூபா 20,000 வழங்கப்பட்டது.

2007ல் புலமைப்பரிசில் பரீட்சையில் சித்தியடைந்த மாணவர்களுக்கான பணப் பரிசு நிதியுதவிக்காவும் பரிசளிப்பு விழாவிற்காகவும் கொழும்பு ஆங்கத்தவர்கள் ரூபா 17,500ம் கண்டி மாத்தளை அங்கத்தவர்கள் ரூபா 15,000;ம் வழங்கியிருந்தனர். அவர்கள் விபரம் 2007ம் ஆண்டுக் கணக்கறிக்கையில் அங்கத்தவர்களுக்கு வழங்கப்பட்டது.

பாடசாலை நூலகத்துக்கான தளபாடங்கள்

பாடசாலை நூலகத்துக்கான ஒரு புதிய கட்டடம் பாடசாலையின் தெற்குப் பகுதியில் திறந்த அரங்கத்திற்கு மேற்குப்புறமாக அமைக்கப்பட்டுள்ளதை நீங்கள் அறிவீர்கள். அதற்கான நிதியை தன்னார்வத் தொண்டு நிறுவனம் வழங்கியிருந்தது. ஆயினும் தளபாடங்கள் இன்மையால் அது முழுமையாகச் செயற்படாதிருந்தது.

இப்பொழுது தளபாடங்களுக்கான நிதியை பிரபல வர்த்தகர் அமரர் திரு. நா.ம.பரஞ்சோதி அவர்களின் நினைவாக அவரது அருமைப்பிள்ளைகளும் மருமக்களும் தாமகவே முன்வந்து உதவியுள்ளனர். இந்த முயற்சியில் ஈடுபட்டுழைத்த அமரரின் மகன் பரம்சோதி அருளானந்தம் (லண்டன்) மற்றும் மருமகன் இராசலிங்கம் சுந்தரலிங்கம் (இளைப்பாறிய தபாலதிபர். கனடா) ஆகியோர்; பாராட்டிற்குரியவராவர். அவர்கள் அளித்த ரூபா 150000 நிதியைக் கொண்டு மேசைகள், கதிரைகள், புத்தக அலுமாரி போன்ற தளபாடங்கள் பெறப்பட்டுள்ளன.

நூலகத்துக்கான நூல்கள்

சென்ற 2009 ஆண்டுப் வருடாந்தப் பொதுக் கூட்டத்தின் போது எமது ஒன்றிய பழைய மாணவர்களால் நூல்நிலையத்திற்கென கொழும்பில் சேர்க்கப்பட்ட நூல்கள் பாடசாலைக்கு அனுப்பி வைக்கப்பட்டன.

பாடசாலைக் கணனி வசதிகள்

கல்வியமைச்சின் அனுசரனையுடன் கணனிக்கூடம் ஒன்றை ஸ்தாபிப்பதற்கு இப்பாடசாலை அடையாளம் காணப்பட்டுள்ளது. பாடசாலை அதிபரின் கணனித் தேர்ச்சியார்வம் அதற்கான நேர்நிலையை ஏற்படுத்தியுள்ளமை காரணங்களாக அமைந்தன. இதற்கு வலு சேர்க்கும் வகையில் ரூபா 18,000 பெறுமதியான கணனியை எமது ஒன்றிய அங்கத்தவர்கள் நிதியுதவியுடன் பெற்றுக்கொடுக்கப்பட்டுள்ளது.

இதற்கான நிதியுதவி அளித்தோர் விபரம் பின்வருமாறு

திருஆ.சிறிநாதன் ரூபா 5000
திருமு.சோமசுந்தரம் ரூபா 5000
திரு க. சண்முகசுந்தரம் ரூபா 2000
டொக்டர்.சு.அருள்குமார் ரூபா 3000

பரிசளிப்பு நூல்கள்

பாடசாலையில் வருடாந்த பரிசளிப்பு வழாவில் பரிசு பெறும் பிள்ளைகளுக்காக பல நல்ல நூல்களைப் பெறவேண்டியுள்ளது. இதனைக் கருத்திற்கொண்டு கண்டி பிரபல வர்த்தகர் அமரர் வே.க. கந்தையா அவர்களின் ஞாபகார்த்தமாக அவர் ஸ்தாபித்த வர்;த்தக நிறுவனமான எஸ்.கே கொம்பனி சார்பில் அவரது பிள்ளைகளான கந்தையா இராமச்சந்திரன், கந்தையா சிறீஸ்கந்தராஜா ஆகியோர் ரூபா 5000 வழங்கியிருந்தனர். இத்தொகையில் பல நூல்கள் பரிசுகளாக வழங்கப்பட்டன. அமரர் வே.க.கந்தையா எமது பாடசாலையின் வளர்ச்சியிலும் மேம்பாட்டிலும் அயராது முன்னின்று உழைத்தவர் என்பது யாவரும் அறிந்ததே. அன்னாரின் சேவைகளை நினைவுகூரும் வகையில் இது நடைபெறுகிறது.

நினைவுப்பரிசில்கள்

வருடாந்த நினைவுப்பரிசுகள்

பல பழைய மாணவர்கள் எமது பழைய மாணவர் ஒன்றியத்தின் வேண்டுகோளுக்கு இணங்க தமது நினைவுக்கூகுரியவர்கள் ஞாபகமாக வருடாந்தம் நினைவுப்பரிசில்களை வழங்குவதற்கான நிதியை கொடுத்துள்ளார்கள். பாடசாலை அபிவிருத்திச் சங்கம் அவற்றை வங்கியில் வைப்புப் பணமாக இட்டு அதன் வட்டிப் பணத்தில் பரிசில்களை வழங்கவுள்ளது.
1. சகலதுறையிலும் சிறந்து விளங்கும் மாணவர்க்கான        பரிசு அமரர் செல்லாச்சி இராசரத்தினம் நினைவாக வழங்கியவர் திரு இராஜ்சுப்ரமணியம் ரூபா 15000
2. புலமைப்பரிசில் பரீட்சையில் அதிக புள்ளிகளைப் பெற்றவருக்கான பரிசு அமரர் முன்னாள் அதிபர் ந. சிவபாதசுந்தரம் நினைவாக வழங்கியவர் திரு பொ.கேதீஸ்வரன் ரூபா 15000
3. ஆங்கில மொழித்திறனுக்கான பரிசு அமரர் கா.மு. காசிவிஸ்வநாதன் நினைவாக வழங்கியவர் திருமதி தேவாம்பிகை காசிவிஸ்வநாதன் ரூபா 15000
4. திருக்குறள் மனனத்தில் சிறந்து விளங்குபவர்க்கான பரிசில் அமரர் முன்னாள் அதிபர மூத்தபிள்ளை பொன்னையா நினைவாக வழங்கியவர் திருமதி வேல்நந்தகுமார் ரூபா 15000
5. வரவொழுங்கிற்கான பரிசு அமரர் பரமேஸ்வரி கதிரவேற்பிள்ளை நினைவாக வழங்கியவர் கதிரவேற்பிள்ளை மகேஸ்வரன் ரூபா 15000
6. பொது அறிவில் சிறந்து விளங்குபவர்க்கான பரிசு அமரர் டொக்டர் த. பரமகுருநாதன் நினைவாக வழங்கியவர் திருமதி பரமகுருநாதன் தங்கம்மா ரூபா 15000
7. சிறந்த விளையாட்டு வீரருக்கான பரிசு அமரர் டொக்டர் க. திருநாவுக்கரசு நினைவாக வழங்கியவர் திருமதி கௌரிமனோகரி மகேஸ்வரன் ரூபா 15000
8. ஆக்கத்திறனுக்கான பரிசு அமரர் சுவாமிநாதன் மனோன்மணி நினைவாக வழங்கியவர் திரு சுவாமிநாதன் சிவபாலன் ரூபா 20000
9. பண்பு விருத்திக்கான பரிசு அமரர் வ.துரைசாமிப்பிள்ளை நினைவாக வழங்கியவர் திருமதி.ராஜேஸ்வரி பரமேஸ்வரன், திரு து. இராஜசேகரம் ரூபா 20000
10. சிறந்த நூலகப் பயன்பாட்டிற்கான பரிசு அமரர் திரு திருமதி சிதம்பரம் நினைவாக வழங்கியவர் திரு சிதம்பரம் வர்ணகுலசிங்கம் ரூபா 15000
11. புலமைப்பரிசில் பரீட்சையில் அதிக புள்ளிகளைப் பெற்றவருக்கான பரிசு திரு. திருமதி கனகசபாபதி நினைவாக வழங்கியவர் டொக்டர் எம்.கே.இரகுநாதன் ரூபா 100,000
12. வரவொழுங்கும் வினைத்திறனுமுள்ள ஆசிரியருக்கான பரிசு அமரர் திருமதி சின்னத்தங்கம் சுப்பி;ரமணியம்; நினைவாக வழங்கியவர் திரு சுப்பிரமணியம் குணராஜா ரூபா 15000
13. கல்வி ஊக்குவிப்பு நிதியை அமரர் பரமகுரு கதிரவேற்பிள்ளை நினைவாக வழங்கியவர் திரு க. கதிரமலை ரூபா20000

நினைவுப் பரிசுகளுக்கான நிதி உதவிகளைச் செய்த அனைவருக்கும் பழைய மாணவர் ஒன்றியம் கொழும்பு தனது மனமார்ந்த நன்றிகளைத் தெரிவிப்பதில் மகிழ்ச்சியடைகிறது.

பரிசளிப்பு விழா 2009

சென்ற நவம்பர் 22 ஆம் திகதி சனிக்கிழமை காலை 8.30 மணிக்கு பாடசாலையில் விழாவின் போது மேற்படி பரிசுகள் வழங்கப்பட்டன.

இம்முறை பரிசளிப்பு விழாவின் பிரதம விருந்தினராக எமது பாடசாலையின் பழைய மாணவரும், ஒன்றியத்தின் சிரேஷ்ட அங்கத்தவருமான திரு.ராஜ் சுப்பிமணியம் கலந்து கொண்டமை குறிப்பிடத்தக்கது. திருமதி உருத்திரேஸ்வரி ராஜ் சுப்பிமணியம் மாணவர்களுக்கு பரிசில்களை வழங்கிக் கௌரவித்தார்.

எமது பாடசாலைப் பரிசளிப்பு விழாக்களுக்கு, எமது பாடசாலையில் கல்வி கற்று மதிப்பிற்குரிய நல்ல நிலையில் இருக்கும் பழைய மாணவர்களையே அழைப்பதென்ற சம்பிரதாயத்தை உருவாக்க எமது அதிபர் விரும்புகிறார். இந்த வகையில் 2008ம் ஆண்டிற்கான பிரதம விருந்தினராக யாழ்தொழில்நுட்பவியல் நிறுவனப் பணிப்பாளரான திரு.கதிரவேல் கதிரமலை அவர்களும், 2007ம் ஆண்டு சிரேஷ்ட விரிவுரையாளர், கல்வியியற்றுறை, யாழ் பல்கலைக் கழகம் திருமதி கலாநிதி இ.ஜெயலக்ஷ்மி அவர்களும் கலந்து சிறப்பித்தனர்;.

பாலர் வளாக முற்புற இரும்பு வேலி

எமது பாடசாலையின் அபிவிருத்தியில் மற்றுமொரு விடயமாக பாலர் வளாகத்தின் முற்புறத்தில் புதிய இரும்பு வேலி அமைக்கப்பட்டுள்ளது. பாடசாலையின் பழைய மாணவியும், சுகாதார திணைக்கள பெருந்தோட்டப் பகுதிப் பணிப்பாளருமான மருத்துவ கலாநிதி உமா சிவபாதசுந்தரம் அவர்கள் தனது பெற்றோர்களான ஆ.சிவபாதசுந்தரம் தம்பதிகளின் நினைவாக ரூபா 60000 நிதியுதவியில் அந்த இரும்பு வேலி அமைக்கப்பட்டுள்ளது.

2009 வருட புலமைப்பரிசில் பரீட்சையில் பாடசாலையில் அதிக புள்ளிபெற்ற மாணவனின் தந்தையான ந.நாகேந்திரராஜா அவர்களால் ரூபா 20000 பெறுமதியான ஒலிபெருக்கி அன்பளிப்புச் செய்யப்பட்டுள்ளது. இம்மாணவன் பாடசாலையின் பரிசளிப்பு விழாவில் 17000 பரிசுபெற்றது குறிப்பிடத்தக்கது.

கண்டி இணைப்புக் குழு

சென்ற ஆண்டின் மிக முக்கிய பணியாக கண்டி மாநகருக்குச் சென்ற நாம் அங்குள்ள எமது பாடசலைச் சமூகத்தைச் சார்ந்தவர்களுடன் மேற்கொண்ட சந்திப்பைக் கூறலாம். அங்குள்ள இந்து வாலிபர் சங்கக் கட்டிடத்தில் நடந்த கலந்துரையாடலைத் தொடர்ந்து, எமது பாடசாலை பழைய மாணவர் ஒன்றியத்திற்கான இணைப்புக் குழு அமைக்கப்பட்டுள்ளது.

தலைவர் : திரு.சி.வாசுதேவன்
செயலாளர்: திரு.க. பாலதாசன்
பொருளாளர்: திரு.சி. வசந்தன்
இணைப்பாளர்: திரு.கு.திலீபன்
ஆகியோருடன் நிர்வாகக் குழு உறுப்பினர்களாக மேலும் 13பேர் தெரிவு செய்யப்பட்டுள்ளனர்.

இன்று பாடசாலையை இந்நிலைக்குயர்த்தி தன்னலமற்ற சேவைசெய்துவரும் அதிபர் திரு கனகலிங்கம் அவர்களுக்கு தற்போது அதிபர் சேவை 2 ஐஐ கிடைத்துள்ளது. அவருக்கு எமது பாராட்டுக்களையும் வாழ்த்துக்களையும் தெரிவித்துக் கொள்கின்றோம்.

இனிவரும் நிர்வாகக் குழுவும் பாடசாலையின் வளர்ச்சியில் அக்கறை செலுத்தி மேலும் பல செயற்பாடுகளை மேற்கொள்ளும் எனக்கூறி விடைபெறுகின்றேன்.

நன்றி

       தலைவர்                                           செயலாளர்
டாக்டர் மு.க.முருகானந்தன்                                   சு.சற்குணராஜா

புதிய செயற்குழு 2010

2010-02-28T08:12:00.000-08:00

மேலைப்புலோலி சைவப்பிரகாச வித்தியாலயம் - பருத்தித்துறை பழைய மாணவர் ஒன்றிய பொதுக்கூட்டம்

2010 - 01 - 14ல் தெரிவு செய்யப்பட்ட செய்குழு விபரம்

புதிய செயற்குழு

தலைவர்:- Dr.M.K.ரகுநாதன்

செயலாளர்:- திரு.சு சற்குணராஜா

பொருளாளர்:- திரு.இரா.இரவீந்திரன்

சிரேஷ்ட உபதலைவர்:- டாக்டர். M.K.முருகானந்தன்

உபதலைவர்கள்:-
திரு.மு.சோமசுந்தரம்,
திரு.ஆ.சிவநாதன்,
திரு.ஆ.சி.வாசுதேவன்,
டாக்டர் திருமதி S.வனிதா
டாக்டர் க.கேதீஸ்வரநாதன்

இணைச் செயலாளர்:- S.Kபிரபாகரன்

உபபொருளாளர்:- திருமதி வள்ளி பிரபாகர்

செயற்குழு உறுப்பினர்கள்:-

திருசு.இரத்தினசிங்கம்,
திரு.உ.வரதராஜன்,
திருமதி யோகேஸ்வரி சண்முகசுந்தரம்,
திருமதி ராஜேஸ்வரி ஸ்ரீலிங்கம்,
திரு.க.சிதம்பரநாதன்,
திரு க.சிவசுந்தரம்,
திரு. ஆ.சிறீநாதன்,
திரு.சு ஜீவகுமார்,
திரு.ஆ.நடராஜா,
திரு.க.இரத்தினவடிவேல்,
திரு.சண்முகசுந்தரம்

ஆலோசனைக்குழு உறுப்பினர்கள்:-

திரு.து.ராஜசேகரன்,
திரு.க.கலாகரன்,
திரு.க.சச்திதானந்தம்,
திரு உலகநாதபிள்ளை,
திருமதி நீலாம்பிகை கோபாலசிங்கம்,
திரு.சிவர்ணகுலசிங்கம்,
திரு.நா. இராமச்சந்திரன்
திருமதி.ராஜேஸ்வரி பரமேஸ்வரன்,
திரு.க.ஸ்ரீஸ்கந்தா ராஜா,
திருமதி.கெ.இராமச்சந்திரன்.

அவுஸ்திரேலியாவிற்கான இணைப்பாளர்:- திரு.கமுருகவேள்

கணக்காய்வாளர்:- திரு சி.தயாலிங்கம்

வழிவிடும் தலைவரின் தலைமையுரை 2010

2010-02-28T07:29:00.000-08:00

மேலைப்புலோலி சைவப்பிரகாச வித்தியாலய பழைய மாணவர் ஒன்றியம்(கொழும்பு)
வருடாந்த பொதுக் கூட்டம். 14.01.2010.

தலைமையுரை 2010

மேலைப்புலோலி சைவப்பிரகாச வித்தியாலயத்தின் பழைய மாணவர் ஒன்றியத்தின் அங்கத்தவர்கள், ஆசிரியர்கள், நலன் விரும்பிகள் உட்பட எமது பாடசாலைச் சமூகத்தைச் அனைவருக்கும் தைப்பொங்கல் வாழ்த்துக்களும்,
மாலை வணக்கங்களும்.

மீண்டும் ஒரு வருடாந்தப் பொதுக் கூட்டத்தில் உங்கள் அனைவரையும் சந்திப்பதில் மிகுந்த மகிழ்ச்சியடைகிறேன். 14.01.2007 ல் ஆரப்பிக்கபட்ட எமது ஒன்றியம் 3 வயதைக் கடந்து முழு வீச்சுடன் நடைபோடும் பருவத்தில் இருக்கிறது.

பழைய மாணவர் ஒன்றியம் என்ற இக் குழந்தை பிறந்த நாள் முதல் அதன் செயற்பாடுகளில் பங்கு பற்றி எமது பாடசாலையின் வளர்ச்சிக்கு உதவியும் உற்சாகமும் அளித்த அனைவருக்கும் எனது மனமார்ந்த நன்றிகள்.

நாம் கடந்து வந்த பாதையைத் திருப்பிப் பார்க்கும்போது பிரமிப்பாக இருக்கிறது. நாட்டு நிலை மிகவும் மோசமாக இருந்த நேரத்தில் எமது ஒன்றியம் ஆரம்பிக்கப்பட்டது.

தமிழர்கள் என்றாலே சந்தேகிகப்பட வேண்டிய பிராணிகள் என்று நினைக்கப்பட்ட நேரம் அது.

நாம் கூடுவதும், கலந்துரையாடுவதும், நிதி சேர்ப்பதும், வங்கிகள் ஊடாக பாடசாலைக் கணக்கிற்கு அனுப்புவதும் உயிரச்சம் விளைவிக்கக் கூடிய விடயங்களாக இருந்தன.

ஆயினும் அவற்றையும் தாண்டி எமது பாடசாலைக்கு ஏதாவது செய்ய வேண்டும் என்ற உங்கள் ஒவ்வொருவரதும் பாடசாலை மீதான பற்றுதலும், தன்னலங்கருதாத செயற்பாடுகளும் எமது பாடசாலையின் வளர்ச்சிக்கு நிறையவே உதவியுள்ளன.

பாடசாலையில் அண்மையில் ஏற்பட்ட வளர்ச்சிகள் பற்றியும், அதற்கு எமது ஒன்றியம் உங்கள் உதவிகள் ஊடாக எவ்வாறு கைகொடுத்தது என்பது பற்றியும் செயலாளர் தனது அறிக்கையில் விரிவாகக் கூறுவார்.

சென்ற ஆண்டின் முக்கிய பெறு ஆக எமது கண்டி விஜயமும் அங்கு ஒரு இணைப்புக் குழு அமைக்கப்பட்தையும் சொல்லலாம்.

இது பற்றிய விபரங்கள் அங்கத்தவர்கள் அனைவருக்கும் தபால் மூலம் அனுப்பி வைக்கப்பட்டதால் மேலும் விபரிக்கவில்லை.

பல பணிகள் செய்து முடிக்கப்பட்ட போதும் இன்றைய பாடசாலை மாணவர்களின் தற்காலத் தேவைகளுக்கு ஏற்ப இன்னும் பல விடயங்களைச் செய்து கொடுக்க வேண்டியிருக்கிறது.

மனதுக்கு இனிய ரம்யமான சூழலும்,
கற்றைக்குத் தேவையான கட்டட, தளபாட, நூலக, விளையாட்டு மைதான வசதிகள் செய்து கொடுக்க வேண்டியுள்ளது.
உள்ளவற்றை மேம்படுத்த வேண்டிய தேவையும் இருக்கிறது.

ஆற்ற வேண்டிய பணிகள்

புதிய கட்டிடம்

பாடசாலைக்கு ஒரு புதிய கட்டிடம் மிக அவசியத் தேவையாக இருக்கிறது. முன்பு ராஜ் சுப்பிரமணியம் கல்வித் திணக்களத்தில் இருந்து போது ஒதுக்கிய நிதியில் ஆரம்பிக்கபட்ட இரட்டை மாடிக் கட்டடம் நாட்டு நிலைகளால் பூர்த்தி செய்யப்படவில்லை. அந்த அத்திவாரத்தின் மீது இப்பொழுது புதிய கட்டடம் கட்ட முடியபா அளவிற்கு பழுதாகி உள்ளது. அதனை அகற்றிவிட்டு புதிய கட்டடம் கட்ட வேண்டியுள்ளது.

போர் முடிவுற்றதை அடுத்து வன்னிப் பகுதியிலிருந்து பெருமளவு மாணவர்கள் வந்துள்ளார்கள். இதனால் 230 அளவில் இருந்த மாணவர் தொகை திடீரென 359ஆக அதிகரித்துவிட்டது. இடவசதி போதாது. விளையாட்டு மைதானத்தின் மேடையில் ஒரு வகுப்பை வைக்க வேண்டிய நிலை.

தளபாடங்கள்

மாணவர் தொகை அதிகரித்ததால் தளபாடங்கள் தட்டுப்பாடு ஏற்பட்டுள்ளது. ஆனால் புதிய கட்டிடம் இல்லாமல் தளபாடங்களைப் போட இடமில்லை. எனவே புதிய இரட்டை மாடிக் கட்டடம் பெறுவதே முதல் தேவையாக உள்ளது. இது தனியார் செய்யக் கூடியது அல்ல. சில தன்னார்வத் தொண்டு நிறுவனங்கள அணுகியுள்ளோம். ஆயினும் இன்னமும் எதுவும் கை கூடவில்லை.

நூல்கள்

நூலகம் தன்னார்வத் தொண்டு நிறுவனத்தால் அமைக்கப்பட்டது. தளபாடங்கள் பரம்சோதி அருளானந்தம் மற்றும் சுந்தரலிங்கம் நிதியுதவியில் கிடைத்துள்ளது. நூலகத்திற்கு 30106 கதிரைகள், வாசிப்பு மேசை 1, ஒவிஸ் டேபிள் 1

நூலகத்திற்கு நூல்கள் சென்ற வருடம் சேர்த்து அனுப்பினோம். இன்னமும் தேவை. 5ம் வகுப்பிற்கு உட்பட்ட மாணவர்களுக்கு ஏற்ற புதிய நூல்களைச் சேகரிப்பதில் அங்கத்தவர்கள் ஒத்துழைப்புத் தேவை

சிறுவர்களுக்கான சுவர் சித்திரங்கள்

பாடசாலையின் சுற்றுமதில் சுவரின் உட்பக்கங்கள் மற்றும் கட்டிடங்களின் வெளிச் சுவர்களிலும் சித்திரங்கள் வரையப்பட வேண்டும். இது மாணவர்களின் பொது அறிவு விருத்திக்கும், கற்றலுக்கு உதவும் விதமாகவும், பாடசாலையை அழுகுறுத்தவும் அவசியமானது.

ஒரு இடைவெளியை சிமெந்து பூசி சித்திரம் வரைய சுமார் பதினையாயிரம் (15,000) தேவைப்படும். பங்களித்தவர் விபரங்கள் அனுசரணை என்ற சிறுதலைப்பில் ஒவ்வொரு சித்திரத்திலும் எழுதப்படும். மறைந்தோர் ஞாபகமாகவும் செய்யலாம். 2-3 வருடங்களில் டச் அப் செய்ய வேண்டியிருக்கும்

சிறிய பாடசாலையின் முகரி முன்னுரிமை கொடுத்து செய்ய வேண்டியுள்ளது.
தளபாட பராமரிப்பும், வர்ணம் பூசுதலும்
பாடசாலை தளபாடங்களை பேணிப் பாதுகாப்பதற்கு பராமரிப்பு அவசியம். 2-3 வருடங்களுக்கு ஒரு முறை அவற்றைத் திருத்தி வர்ணம் பூச சுமார் ஐப்பதினாயிரம் தேவைப்படும்

சிறிய பாடசாலை சுற்று மதில்

சிறிய பாடசாலையின் முற்பகுதி அழகிற்காகவும் பாதுகாப்பிறகாகவும் இரும்புவலை வேலி அமைக்கப்பட்டுள்ளது. ஆயினும் ஏனைய மூன்று பக்கங்களையும் சுற்றி மதில் அமைக்க வேண்டியுள்ளது.

நெற் வசதி

கம்பியூட்டர் அறை செய்யப்பட்டுள்ளது. மேசை, கதிரை, கண்ணாடி அலுமாரி, தளபாடங்கள் அரச உதவியில் கிடைத்துள்ளன. விரைவில் கம்பியூட்டர்கள் கிடைக்கும். தொடரந்து நெற் வசதி செய்யப்பட வேண்டும்.

நிறுவனர் சிலை

பெரும்பாலன பாடசாலைகளின் முன்னறலில் அதனை ஸ்தாபித்த நிறுவனரின் சிலை வைக்கப்பட்டு தினமும் அதற்கு பூ மரியாதை செய்யும் வழக்கம் இருக்கிறது.

எமது பாடசாலை 1884 முதல் திரு.ஆ.ஆ.சிதம்பரப்பிள்ளை பராபரிப்பில் நடாந்து வந்தது. பின்னர் திரு.ஆ.சி.நாகலிங்கம்பிள்ளை பொறுப்பேற்றார். ஸ்தாபகர் சிலையை அவர்களது வழித்தோன்றலகள் செய்வது பொருத்தமாக இருக்கும் என நம்புகிறேன்.

பழைய மாணவர் பற்றிய தகவல் திரட்டி

சதாவதானி நா.கதிரவேற்பிள்ளை, பாரதியின் ஞானகுருவான அருளம்பல சுவாமிகள் போன்ற தமிழ் அறிஞர்களும், ஞானிகளும் கல்வி கற்ற பெருமைக்குரியது. பிற்காலத்தில் வே.தா.சி;.சிவகுருநாதன், கற்கண்டுப் பண்டிதர் பொன்.கிருஸ்ணபிள்ளை, கவிஞர் யாழ்ப்பாணன் (திரு.வே.சிவக்கொழுந்து), பிரபல சத்திரசிகிச்சை நிபுணர் ந.சண்முகலிங்கம், வை.கா.சிவப்பிரகாசம் போன்ற பெரியார்களையும் வளர்த்தெடுத்தது எமது பாடசாலையே.

ஆயினும் கல்வியாலும், தொழிலாலும், சமூகப்பணிகளாலும் பெருமை பெற்ற எமது பழைய மாணவர்கள் பற்றிய விபரங்கள் எமது பாடசாலையில் இல்லை. அத்தகைய ஒரு தகவல் திரட்டியைத் தயாரித்துப் பேணுவது மிகவும் அவசியம். அதற்கான ஒரு மாதிரிப் படிவம் தயாரிக்கப்பட்டுள்ளது.

நன்றி

கடந்த மூன்று வருடங்களாக எமது பணிகள் தொடர்கின்றன. இப் பணிகளின் போது என்னுடன் ஒத்துழைத்த செயற்குழு அங்கத்தவர்கள் அனைவருக்கும் எனது மனமார்ந்த நன்றிகள்.

முக்கியமாக செயலாளர் திரு சற்குணராசா, பொருளாளர் இரவீந்திரன் ஆகியோர் பேருதவியாக இருந்தனர்.

பொருளாளர் இரவீந்திரன் இன்று கலந்துகொள்ள முடியாத சூழலில் சென்ற வருட கணக்கறிக்கையைத் தயாரிப்பதுடன் அதனை இன்று சமர்பிக்கவும் இருக்கும் வள்ளி பிரபாகர் அவர்களுக்கு எனது விசேட நன்றிகள்.

திருவாளர்கள் சற்குணராசா, ரவீந்திரன், சோமசுந்தரம், ஜீவகுமார், சண்முகசுந்தரம், இரத்தினசிங்கம், வரதராசன், சிதம்பரநாதன், சிவசுந்தரம், இராஜ் சுப்பிரமணியம், போன்றவர்கள் செயற்குழக் கூட்டங்களுக்கு வந்து தங்கள் ஒத்துழைப்பு வழங்கினர். இதில் இராஜ் சுப்பிரமணியம், சற்குணராசா, சண்முகசுந்தரம் ஆகியோர் 100 சதவிகிதம் பிரச்ன்னமாயிருந்தனர்.

திரு.இராஜ் சுப்பிரமணியம், சண்முகசுந்தரம் ஆகியோரின் ஆலோசனைகளும், ஒத்துழைப்புகளும் மிகமிக முக்கியமானவை. அவர்கள் எமது ஒன்றியத்தின் செயற்பாடுகளுக்கும் பாடசாலையின் வளர்ச்சியிலும் காட்டும் அக்கறை அதி விசேடமானவை. ஓன்றியத்தின் தலைவர் என்ற ரீதியல் நான் செயற்படுவதை விட ஆழமாகச் சிந்தித்து, வேகமாக செயற்படுபவர்கள் அவர்களே. அவர்களுக்கும் எனது விசேட நன்றிகள்.

எமது அதிபர் திரு.மு.கனகலிங்கம் அளப்பரிய பணியை செய்துவருகிறார். அவரின் தன்னலம் கருதாத, வேகமும் சமோசிதமும் கூடிய செயற்பாடுகள் காரணமாக எமது பாடசாலை கடந்த 4 ஆண்டுகளில் முன்னணி நிலைக்கு வந்திருக்கிறது. வடமராட்சிப் பிரதேசத்தின் முன்னணி ஆரம்பப் பாடசாலையாக கல்வித் திணைக்களத்தால் தேர்ந்தெடுக்கப்பட்டுள்ளது. கல்வியிலும் பௌதீக வளத்திலும், அழகிய சுத்தமான சுற்றாலைப் பேணுவதிலும் அது முன்னணியில் இருக்க வைத்த பெருமை அவரையே சேரும்.

பழகுவதற்கு இனியவரான அவர், பட்ட மேற்படிப்புடன், யாழ் பல்கலைக்கழகத்தின் வருகைநிலை விரிவுரையாளராகவும் விளங்கும் கல்வித் தகமையும் உடையவராவார். எமது பாடசாலை அதிபராக பணியாற்றக் கிடைத்தது எமக்குக் கிடைத்த ஒரு அரிய வாய்ப்பாகும். அதனை நாமும் ஓரளவு பயன்படுத்தி பாடசாலை வளரச்சிக்கு உதவ முடிந்தது என்பதில் எமது ஒன்றிமும் பெருமை கொள்ளலாம். இப்பொழுது அவருக்கு தரம் 2 அதிபர் நிலைப் பதவி உயர்வு கிட்டியுள்ளது. அவருக்கு எனது சார்பிலும் உங்கள் எல்லோர் சாரப்பிலும் வாழ்த்துக் கூறுகிறேன்.

எமது ஒன்றியத்தின் வரவு செலவு கணக்கு உங்களுக்கு சற்று நேரத்தில் கிடைக்கும். அதனை அவதானதாகப் பார்த்தால் உங்களுக்கு சில விடயங்கள் புரியக் கூடும். முதலாவது எமது அங்கத்தவர்கள் அளித்த பெரும்பாலான நிதி உதவிகள் எம்மால் நேரடியாகக் கையாளப்படவில்லை. பாடசாலை அபிவிருத்திச் சங்க நிதிக்கு, நிதி உதவி வழங்கியர்களால் நேரடியாக அளிக்கப்பட்டுள்ளது. அதனால் அவை எமது கணக்கறிக்கையில் இடம்பெறவில்லை.

அடுத்த முக்கிய விடயம் சங்கத்தின் வழமையான நடைமுறைச் செயற்பாடுகளுக்கு சங்கத்தின் எந்த நிதியும் பெறப்படவில்லை.
கடித, டெலிபோன் செலவுகள், அறிக்கை அச்சடிப்பு செலவு, கண்டி விஜயத்திற்கான பிரயாணச் செலவுகள், ஆண்டு விழாச் சிற்றுண்டிச் செலவு எதுவுமே சங்க நிதியிலிருந்து பெறப்படவில்லை.

சேர்க்கப்பட்ட ஒவ்வொரு சதமும் பாடசாலை வளர்ச்சிக்கே சென்று அடைந்தது. அதற்கு ஒத்துழைத்த சங்க செயற்குழு அனைவருக்கும் எனது நன்றிகள்.

செயற்குழு என்று சொன்ன பொதும் பெரும்பாலான உதவிகள் திரு ராஜ் சுப்பிரமணியத்தின் உதவிகளே. அறிக்கைகளைப் போட்டோ பிரதி எடுத்து தபாலில் அனுப்புவதற்குமான செலவுகளையும், கண்டி பிரயாண வாகன வசதியும், இன்றைய சிற்றுண்டிகளுக்கான செலவுகளின் பெரும் பகுதியும் அவரது உதவிகளே.

கணக்கறிக்கையை தயாரித்தது மட்டுமின்றி போட்டோ பிரதிகள் எடுத்ததும் வள்ளி பிரபாகரின் உதவியாகும்.

எதிர்காலத்தில் இளைய தலை முறையினரின் ஈடுபாடும் பங்களிப்பும் மிக முக்கியம்.

பழைய மாணவர் ஒன்றியத்தின் வருடாந்த பொதுக் கூட்டம் அறிக்கைகளைச் சமர்பிப்தற்கும், உறுப்பினர்களை தேர்வு செய்வதற்கான வழமையான நடவடிக்கையாக இருக்கிறது.

இதற்கு மேலாக இதனை பழைய மாணவர்கள் அனைவரும் ஒன்று கூடி தமக்கிடையே உறவுகளை புதுப்பித்து, பழைய நினைவுகளை மீள்நினைத்து மகிழவும் கொண்டாவும் வேண்டிய நிகழ்வாகவும் மாற்ற வேண்டிய பணி உள்ளது.

வெறும் வருடாந்தப் பணியாக இருக்கும் இதனை ஒன்று கூடலாகவும், தேநீர் அல்லது இராப் போசனத்துடன் கூடிய மகிழ்ச்சியான நிகழ்வாக்கும் பணியில் உங்கள் அனைவரது ஒத்தழைப்பையும் வேண்டுகிறேன்.
நன்றி.

எம்.கே.முருகானந்தன்.

மேலைப்புலோலிச் சைவப்பிரகாச வித்தியாசாலையின் வரலாறும் வளர்ச்சியும்

2010-02-16T09:09:00.000-08:00

நான் மாணவனாக இருந்த காலத்தில் எமது பாடசாலையில் கற்பித்த சபாதிப்பிள்ளை ஆசிரியர் அவர்களை அறியாதவர்கள் இருக்க முடியாது.

கல்வியிலும், ஒழுக்கத்திலும் சமயப்பற்றிலும் மாணவர்களை நெறிப்படுத்திய அற்புதமான ஆசிரியர் ஆவார்.

அவர் எழுதிய கட்டுரை ஒன்றை நண்பர் க.சண்முகசுந்தரம் பழைய பாடசாலை வெளியீடுகளில் இருந்து எடுத்துத் தந்து உதவினார். புகைப்படமும் அவர் உதவியே. மிக்க நன்றி.

மேலைப்புலோலிச்

சைவப்பிரகாச வித்தியாசாலையின் வரலாறும் வளர்ச்சியும்

வ.சபாபதிப்பிள்ளை - இளைப்பாறிய ஆசிரியர் -

ஆறுமுகநாவலர் அவர்களின் ஆசீர்வாதத்துடன் எங்கள் வித்தியாசாலை 1875-ம் ஆ ஆவணிமீ (5-9-1875)ல் ஆரம்பமானது. நூவலர் பெருமானின் மாணக்க முறையிலுள்ள சிவசுப்பிரமணிய தேசிகரும், மகன் கணபதிக்குருக்களும் காலஞ்சென்ற மனேஜரின் பிதா ஆ.ஆறுமுகம், மாமன் வெ.சரவணமுத்து மைத்துனர் சு.சபாபதிப்பிளை என்பவர்களும் சேர்ந்து வா. கணபதிப்பிள்ளைக்குச் சொந்தமான கொள்வளையென்னுங் காணியில் ஒரு பரப்பு நிலம் உதவச்செய்து அயலவர் உதவியுடன் அதில் கட்டடம் அமைத்து வித்தியாசாலையை ஆரம்பித்தனர். பின்னரும் நிலம் தேவைப்பட்டபோது வெ.சரவணமுத்து அவர்களே உதவினர். பாடசாலைக்குத் தெற்கேயுள்ள காணியில் சொரியலாக இருந்த 11/2 பரப்பு நிலமும் 1961-ல் பாடசாலைக்காணியுள் சோர்க்கப்பட்டது.

1884-ல் வித்தியாசாலை தளர்சசியடைய அப்போது ஆ.ஆ.சிதம்பரப்பி;ளை அவர்கள் தமது குடும்பத்தார் சேர்த்து உதவிய ஒரு சிறு நிதிஉதவியுடன் பாடசாலைப் பொறுப்பை ஏற்று நடத்தினர். 1892 ஆடிமாசத்தில் முதற் பரீஷை நடந்தது. எத்தனையோ கஷ்டங்கள் எதிர்ப்புகளுடன் அரசினர் நன்கொடையும் கிடைத்தது. இவரின் மகன் ஆ.சி.நாகலிங்கபிள்ளை அவர்கள் மனேஜருக்குரிய கடமைகளை தந்தையார் இருக்கும்போதே ஆரம்பித்து அவருக்குப் பின்னும் தவறாது திறம்பட நடத்திவந்தனர். இவர் தமது காலத்தில் வித்தியா பகுதியாரே அறிந்து வியக்கும்படியாக 7 மணிப் பாடசாலையை தமது கட்டுப்பாடான நிர்வாகத்தால் சிலவருஷங்கள் நடத்தினர். ஆரம்பகாலம் தொடக்கம் 1926ம் ஆண்டு வலையில் நவராத்திரிக்கு முதற்கிழமையில் இலக்கண இலக்கிய சமயபாடங்களில் தேர்ச்சிகாணுமாறு தமிழ் வித்துவான்கூடி பரீஷை நடத்தினர். ஆரம்பகாலத்தில் நாவலர்பெருமானே இப்பரீஷைக்கு ஒருமுறை சமூகமளித்துள்ளார். முத்துக்குமார சாமிக்குருக்கள், வேல்மயில்வாகனபண்டிதர், சிவசம்புப்புலவர், சு.சிவபாதசுந்தரம் முதலிய பெரியோர்கள் சமூகமளித்து பரீஷை நடத்தினர். அக்காலத்தில் மாணவர் பெற்றாரின் நன்மைக்காக இடையிடையே நாவலர்பெருமான், சுவாமி விபுலானந்தர், சதாவதானம் நா.க. கதிரவேற்பி;ள்ளை அவர்கள், மு.ளு. அருள்நந்தி, உதவி வித்தியாகர்த்தர் சிவப்பிரகாச பண்டிதர் போன்ற பெரியோர்கள் பிரசங்கம் செய்தனர். சதாவதானம் நா. கதிரவேற்பி;ள்ளை அவர்கள் இவ்வித்தியாசாலையில் மாணவனாகவும் சிலகாலம் ஆசிரியராகவும் இருந்தனர்.

1894-ல் ஆரம்பித்த சிவஞானப்பிரகாச சபையாரே அன்று தொடக்கம் பரிசளிப்பு விழாவை நடத்திவருகின்றனர்.

1924-ம் ஆ தொடக்கம் நடந்த ஸ்கொலஷிப் பரீட்சையில் ஆ.வ.துரைச்சாமிப்பிளை முதலிய பலர் சித்தி பெற்றனர்.

1875-ம்ஆ தலைமையாசிரியராக இருந்த சிவ.சு.கணபதிக்குருக்களுக்குப்பின் முறையே திரு.சு.வெற்றிவேலு, வ.ஆள்வாப்பிளை, க.சுப்பிரமணியம், சி.கணபதிப்பிள்ளை, க.ஆறுமுகம், வ.வீரகத்தி, க.வல்லிபுரம், என்பவர்கள் தலைமையாசிரியர்களாக இருந்தார்கள். இப்போது எங்கள் அன்புக்குரிய திரு.மா.சுப்பிரமணியம் அவர்கள் 1934-ம் ஆ தொடக்கம் தலைமையாசிரியராய் இருந்து நடத்தி வருகிறார்கள். இவர் எந்நேரத்திலும் வித்தியாசாலையின் வளர்ச்சியில் கண்ணுங் கருத்தும் உடையவராய், எல்லோருடனும் அன்பாகவும், மரியாதையாகவும் நடப்பதால் எல்லோருடைய அன்புக்கும் பாராட்டுதலுக்கும் உரியவராகின்றார். இவருடைய காலத்தில் அதாவது 1935-ல் அறுபதாம் ஆண்டு விழாவும், 1955-ம் எண்பதாம் ஆண்டு விழாவும் நடை பெற்றன.

1955-ம் ஆ தைமாசத்தில் ஆரம்பித்த கட்டிடம் இறைவான் திருவருளை முன்னிட்டு மனேஜர் அவர்கள் ஆரம்பித்த நிர்வாகத் திறமையாலும், திரு.வே.தா.சி.சிவகுருநாதன் அவர்கள் பலவகையான கஷ்டங்களுடன் சேர்த்த சைவவித்தியாதர்மநிதியின் பணஉதவியினாலும், வித்தியாபிமானிகளின் பண உதவியினாலும் நிறைவேறி ஆனிச் சோதியிலன்று பிரவேசமும் செய்யப்பட்டது.

பெற்றர் அசிரியசங்க நிருவாசகபையாரின் முயற்சியினாலும் பண உதவியினாலும், ஆய்வுகூடமும், நிருவாகசபையாரின் முயற்சியினாலும், அரசாங்க பண உதவியினாலும், புதுக்கட்டிடமும் நிறைவேறியுள்ளன. இதற்ககென உழைத்த இச் சபையின் இரு தலைவர்களுக்கும் எங்கள் எல்லோருடைய நன்றியும் பாராட்டுதலும் எக்காலமும் உடையன.

வ.சபாபதிப்பிள்ளை.

வருடாந்தப் பொதுக் கூட்ட 2010 நிகழ்வுகள். இன்னும் சில காட்சிகள்

2010-01-29T07:46:00.000-08:00

மேலைப் புலோலி சைப்பிரகாச வித்தியாலய பழைய மாணவர் ஒன்றியம் (கொழும்பு ) வருடாந்தப் பொதுக் கூட்டம் சென்ற பொங்கல் தினத்தன்று (14.01.2010) மாலை 4 மணிக்கு பம்பலப்பிட்டி இந்துக் கல்லூரி மண்டபத்தில் நடைபெற்றமையானது நிகழ்ச்சி நிகரில் உள்ளவற்றை நிறைவேற்றும் வெறும் உத்தியோகபூர்வ நிகழ்வாக மட்டும் இருக்கவில்லை.

இன்று எங்கெங்கோ வாழ்ந்தாலும் எப்பணி ஆற்றினாலும் நாம் ஒன்று கூடி எமது பழைய நினைவுகளை மீட்டு, உறவுகளைப் புதிப்பித்து மகிழ்வுறும் நாளாகவும் அமைந்தது.

சில காட்சிகள் தொடர்கின்றன.

பார்த்து மகிழுங்கள், அடுத்த வருட நிகழ்வில் நீங்களும் கலந்து மகிழுங்கள்.

நிகழ்வுக்கான சிற்றுண்டிகளையும் குளிர் பானங்களையும் திரு ராஜ் சுப்பிரமணியம் அவர்கள் பொறுப்புணர்வுடன் கொண்டு வந்து சேர்த்தார்.

நிகழ்வுக்கு வந்தவர்களுக்கு சிற்றுண்டிகளும் குளிர் பானங்களும் வழங்குவதற்கு மன்ற அங்கத்தவர்களும், உறவினர்களும் உதவினர்.

கனகசுந்தரம் சிவசுந்தரம், சிதம்பரநாதன் சிவாகர், உலகநாதபிள்ளை வரதராசன், திருமதி யோகேஸ்வரி சண்முகசுந்தரம், திருமதி மணிமாதேவி முருகானந்தன் ஆகியோர் பணி பாராட்டுக்குரியது.

திரு.க.சிவசுந்தரம் அவர்களும், செல்வன் சிதம்பரநாதன் சிவாகர் அவர்களும் சிற்றுண்டி தட்டுகளை ஆயத்தம் செய்கின்றனர்.

சிற்றுண்டி தட்டுகளுடன் திரு.க.சிவசுந்தரம் மேடை அருகில்.

திருமதி மணிமாதேவி முருகானந்தன் பெண்களுக்கு முன் சிற்றுண்டித் தட்டுடன்...

ஒன்றிய அங்கத்தவர்கள் ஒருவரோடு ஒருவர் கலந்துரையாடுவதிலும், நட்புக்களையும் உறவுகளையும் புதுப்பிப்பதிலும் மகிழ்ந்தனர்.

திரு கனகசுந்தரம் சண்முகசுந்தரம் திருமதி வள்ளி பிரபாகரிடம் ஏதோ விளக்கம் பெறுகிறார். திருமதி கெங்காதேவி வரவுப் பதிவேட்டில் எழுத அருகிருந்து திருமதி நீலாம்பிகை கோபாலசிங்கம் அவதானிக்கிறார்.

வர்ணகுலசிஙம் ஆசிரியரும் ரட்ணவடிவேல் அவர்களும் கைலாகு கொடுத்து நலம் விசாரிக்கின்றனர்.

வனிதா, ரகுநாதன், ராஜ் சுப்பிரமணியம் உரையாட அருகிருந்து ஆறுமுகநாதன் அவதானிக்கிறார்.

சச்சிதானந்தன், ரட்ணசிங்கம், முருகானந்தன், சற்குணராசா ஆகியோர் ஏதோ விவாதிக்க பார்த்துக்கொண்டிருப்பவர் சற்குணராசாவின் மகள் சரண்யா.

சிறிநாதனும் வாசுதேவனும் சிரித்து மகிழ பின்னணியில் பாஸ்கரனும், சிவநாதனும்.

பாலதாசன், கஸ்தூரி, உமா ஒருபுறமாகவும், ராஜேஸ்வரியும் முருகவேளும் மற்றொரு புறமாகவும் உரையாடலில்.

முந்தைய போட்டோவில் உள்ளவர்கள் சிரித்து மகிழ்கின்றனர்.

சிறிநாதன், செல்வமோகன், பாஸ்கரன் மற்றும் சிவநாதன் பள்ளிக்கால அனுபவங்களை நினைந்து மகிழ்கிறார்களா?

நிகழ்வின் பின் எடுக்கப்பட்ட சில குறூப் போட்டோக்கள்.

மறக்க முடியாத நாளின் சில இனிய கணங்கள், நினைவுகள்...

நினைவுகளைப் பகிர்வதற்கு கூடியிருப்பதைத் தவிர வேறென்ன வழி...

ஒன்றியத்திற்கு தனியாக ஒரு பெண்கள் பிரிவு தேவைப்படுமா எதிர்காலத்தில்???

கண்டி, கொழும்பு, காலி, பருத்திதுறை என நாற்திசையும் எமது மேலைப் புலோலி சைப்பிரகாச வித்தியாலயத்திற்காக இணைந்த அற்புதமான நாள்.

கூடி வாழ்ந்தால் கோடி நன்மை என்பார்கள்.

நாம் கூடிச் செயற்பட்டால் எமது பாடசாலை இன்றைய மாணவர்களின் எதிர்காலம் ஒளிமயமாகும்.

பாடசாலையின் புகழ் உலகெங்கும் ஓங்கும்.